Ang makata ay isang tao na sumusulat ng tula. Maaaring ilarawan ng mga makata ang kanilang sarili bilang ganoon o mailarawan sila bilang mga makata ng ibang mga tao. Ang makata ay maaaring maging manunulat ng tula lamang o maaaring itanghal ang kanyang sining sa mga tagapanood.

Si Victor Hugo ay isang Pranses na makata, nobelista, at dramatista. Kilalang-kilala si Hugo para sa kanyang mga akda tulad ng Les Contemplations (Ang Mga Pagmumuni-muni) at La Légende des siècles (Ang Alamat ng Panahon).

Ang gawa ng isang makata ay mahalagang kaugnay ng komunikasyon, alinman sa pagpapahayag ng mga ideya sa literal na kahulugan, gaya ng pagsusulat tungkol sa tiyak na pangyayari o lugar, o sa matalinghagang pamamaraan. Ang mga makata ay nandito na noon pang unang panahon, sa halos lahat ng mga wika, at nakalikha na ng mga gawang labis na nag-iiba-iba sa sari-saring kultura at panahon. Sa buong itinagal ng bawat sibilisasyon at wika, gumamit ang mga makata ng maraming estilo na nag-iiba sa pagpapatuloy ng kasaysayan ng literaturang humantong din sa malawak na kasaysayan ng mga makata tulad ng literaturang kanilang ginawa.

Kasaysayan baguhin

Sa Sinaunang Roma, ang mga propesyunal na makata ay pangkaraniwang itinataguyod ng mga patron, ang mga mayayamang tagasuporta kasama ang mga maharlika at mga opisyal ng militar. Halimbawa, si Gaius Cilnius Maecenas, kaibigan ni Caesar Augustus, ay isang importanteng patron para sa mga makatang Augustan, katulad nina Horace at Virgil.