Mr. Freeze

Si Mr. Freeze (Dr. Victor Fries) ay isang kathang-isip na supervillain na lumalabas sa Amerikanong komiks na nilalathala ng DC Comics. Nilikha ng manunulat na si Dave Wood at ng tagaguhit na si Sheldon Moldoff, una siyang lumabas sa Batman #121 (Pebrero 1959)[1] bilang kriminal na gumagamit ng yelo na si Mr. Zero, subalit madaling napalitan ang pangalan sa "Mr. Freeze".[2] Sa mga taon na lumipas, muling sinulat ang kanyang pinagmulang istorya upang itugma ang isang inisip na kuwento ng manunulat na si Paul Dini para sa Batman: The Animated Series. Si Dr. Victor Fries ay isang eksperto sa kriyohenika sa Lungsod ng Gotham na naaksidente sa laboratoryo habang sinusubok na pagalingin ang kanyang asawang si Nora na may sakit na nasa bingit ng kamatayan; dulot ng aksidente, bumaba ng matindi ang temperatura ni Victor sa antas na sub-sero, na pinuwersa siyang magsuot ng isang kriyohenikang kasuotan upang mabuhay. Nanatili ang pangunahing layunin ni Freeze na maghanap ng lunas para sa sakit ng kanyang asawa, bagaman ang kanyang mga kaparaanan ay kadalasang nagdudulot ng hidwaan kay Batman. Ang paglalarawan ni Mr. Freeze ay tumagal bilang isa sa mga paulit-ulit na kalaban ng superhero na si Batman at napasama sa mga kolektibong mga kaaway na binubuo sa kanyang sentral na tala ng rogues gallery (tanghalan ng mga tampalasan).

Mr. Freeze
Impormasyon ng paglalathala
TagapaglathalaDC Comics
Unang paglabasBilang Mr. Freeze:
Batman
"Instant Freeze"/"Rats Like Cheese"
Bilang Victor Fries:
Batman: The Animated Series
"Heart of Ice"
Unang paglabas sa komiksBilang Mr. Zero:
Batman #121 (Pebrero 1959)
Bilang Mr. Freeze:
Detective Comics #373 (Marso 1968)
TagapaglikhaBilang Mr. Zero:
Dave Wood (manunulat)
Sheldon Moldoff (tagaguhit)
Bob Kane (konsepto)
Bilang Victor Fries:
Paul Dini (manunulat)
Bruce Timm (tagaguhit)
Impormasyon sa loob ng kwento
Ibang katauhanVictor Fries
Kasaping pangkatInjustice League
Secret Society of Super Villains
GothCorp
Kilalang alyasMr. Zero
Dr. Schivel
Crown Prince of Chilblains
King of Cold
Kakayahan
  • Henyong-antas ng katalinuhan
  • Sub-sero na pisiyolohiya na pinapahintulot siyang makatagal sa labis na mababang temperatura
  • Reprigeradong eksokeletikong kasuotang pandigma na pinapahintulot siyang magkaroon ng higit-sa-taong lakas at tibay
  • Gumagamit ng kriyohenikang armas

Ginampanan ang karakter sa totoong-tao o sa live-action nina George Sanders, Otto Preminger, at Eli Wallach sa palabas sa telebisyon na Batman; Arnold Schwarzenegger sa pelikula noong 1997 na Batman & Robin; at Nathan Darrow sa seryeng pantelebisyon na Gotham. Binosesan din ang karakter nina Michael Ansara sa DC animated universe, Clancy Brown sa The Batman, at Maurice LaMarche sa Batman: Arkham na prangkisa ng larong bidyo.

Sa tala ng IGN na Pinakamataas na 100 Kontrabida sa Komiks sa Lahat ng Panahon, nakaranggo si Mr. Freeze sa #67.[3]

Pangkalahatang pagtanaw sa karakaterBaguhin

Orihinal na tinawag na Mr. Zero,[1] napalitan ang pangalan niya at ginawang popular sa seryeng pantelebisyon na Batman noong dekada 1960, kung saan ginampanan ang karakter ng tatlong magkakaibang mga artista.[4][5][6]

Mga sanggunianBaguhin

  1. 1.0 1.1 "UGO's World pf Batman – Rogues Gallery: Mr. Freeze" (sa wikang Ingles). UGO. Tinago mula sa orihinal noong Mayo 27, 2008. Nakuha noong Mayo 10, 2008.
  2. Cowsill, Alan; Irvine, Alex; Manning, Matthew K.; McAvennie, Michael; Wallace, Daniel (2019). DC Comics Year By Year: A Visual Chronicle (sa wikang Ingles). DK Publishing. pa. 86. ISBN 978-1-4654-8578-6.
  3. "Mr. Freeze is Number 67" (sa wikang Ingles). Comics.ign.com. Tinago mula sa orihinal noong 2010-12-13. Nakuha noong 2010-12-25.
  4. "Batmania UK: 1966 Batman: Villains: Mr. Freeze". Bat-Mania. Nakuha noong 2008-05-09.
  5. "Batmania UK: 1966 Batman: Villains: Mr. Freeze 2" (sa wikang Ingles). Bat-Mania. Nakuha noong 2008-05-09.
  6. "Batmania UK: 1966 Batman: Villains: Mr. Freeze 3" (sa wikang Ingles). Bat-Mania. Nakuha noong 2008-05-09.