Sistemang somatosensoryo

(Idinirekta mula sa Nahipo)

Ang sistemang panghipo, sistemang somatosensoryo, o sistemang somatosensoryal (Ingles: somatosensory system) ay isang sistemang pandama na nakakadetekta, nakadarama, o nakapapansin ng mga karanasang tinuturing na paghipo o presyon, temperatura (mainit o malamig), hapdi (kabilang ang kati at kiliti) at iyong mga kabilang sa propriosepsiyon. Mga sensasyon ito ng kilos o galaw ng mga masel at posisyon ng hugpungan kabilang ang tikas, galaw o kilos, damdaming biseral (internal o panloob) at ekspresyon ng mukha. May kaugnayan ang pandamdam na biseral sa mga kabatiran o impormasyong sensoryong nagmumula sa loob ng katawan, katulad ng sakit ng tiyan.

Maituturing ang paghipo bilang isa sa limang mga damdamin o pagdama ng tao; subalit kapag hinawakan o hinipo ng isang tao ang isang bagay o kapwa tao, nakalilikha ito ng sari-saring mga damdamin: ang persepsiyon ng presyon o diin (hugis, kalambutan, tekstura, oskilasyon o bibrasyon, at iba pa), relatibong temperatura, at kung minsan pati kahapdian. Kaya't ang salitang "hipo" ay talagang kombinasyon o pinagsamang katawagan para sa ilang mga damdamin o senso. Sa medisina, kalimitang pinapalitan ang kolokyal na terminong "hipo" ng somatikong mga damdamin, somatikong pandamdam, o somatikong mga senso, upang maipakita ng mainam ang sari-saring mga kalangkap na mga mekanismo.

Tingnan din baguhin

Mga sanggunian baguhin

Mga kawing panlabas baguhin


  Ang lathalaing ito na tungkol sa Anatomiya ay isang usbong. Makatutulong ka sa Wikipedia sa pagpapalawig nito.