Si '''Santa Klaus''' o '''Santa Claus''', na karaniwang iniuugnay sa [[Pasko]], ay karaniwang inilalarawan bilang isang malaki, mataba at masayahing lalaki na nakasuot ng pulang damit na ginayakan ng puting palamuti. Ayon sa [[Estados Unidos|Amerikano]]ng bersiyon ng alamat, si Santa, kapag pinapaikli ang kaniyang pangalan, ay nakatira sa [[Hilagang Polo]] sa piling ng kaniyang asawang si [[Ginang Klaus]] o ''Mrs. Claus'', ilang mga [[duwende]] na gumagawa ng mga laruan, at mga [[usang reno]] na humihila ng kaniyang [[kareta]] o [[paragos]]. Sa bersiyong [[Nordiko]] ng alamat, nakikilala si Santa Claus bilang Amang Pasko o ''Father Christmas'' at sinasabing nakatira sa [[Lapland]], [[Finland]]. May kaugnayan din siya sa pagdadala ng mga regalo sa maliliit na mga bata tuwing Pasko sa pamamagitan ng pagpapadulas sa mga [[tsimneya]], at mayroong ding mga usang reno na humihila ng kaniyang paragos.
Ang tradisyon ay orihinal na nagmula sa Finland (mga bansang Nordiko) at lumaganap sa mundo. Pinaka pinaniniwalaan na nalikha ang Santa Claus magmula sa [[Olandes]] na [[Sinterklaas]], na nakikilala rin bilang ''St. Nick'' (San Nick). Maraming tanyag na mga bagay sa kulturang popular na hinggil kay Santa Claus. Nakikilala rin si Santa Claus bilang ''Saint Nicholas'' ([[San Nicolas]]), Saint Nick, Santy, Kris Kringle, Kristingle, Christingle at maraming iba pang mga pangalan.<ref>{{cite web|url=http://www.myuniversalfacts.com/2006/11/names-for-santa-claus-around-world.html|title=Santa's names}}</ref>
