Presyon

Ang presyon (simbolo: p o P) ay ang puwersa na nilapat patayo sa ibabaw ng isang bagay bawat yunit na sukat kung saan pinamahagi ang puwersa. Ang presyong panukat (Ingles: Gauge pressure binabaybay din na gage pressure) ay ang presyon na relatibo sa presyong pumapaligid.

Presyon
Mga kadalasang simbulo	p, P
Yunit SI	pascal [Pa]
Sa Batayang yunit SI	1 N/m2, 1 kg/(m·s2), o 1 J/m3
Pagkahango mula sa ibang kantidad	p = F / A
Dimensiyon	M L−1 T−2

Presyon habang ginagamit ng mga pagbabangga ng partikula sa loob ng nakasarang lalagyan

May iba't ibang yunit ang ginagamit upang ihayag ang presyon. Ilan sa mga ito ay hinango mula sa isang yunit ng puwersa na hinati sa pamamagitan ng isang yunit ng sukat; ang yunit na SI ng presyon, ang pascal (Pa), halimbawa, ay isang newton bawat metro kuwadrado (N/m²); sa parehong paraan, ang libra-puwersa bawat pulgadang kuwadrado (psi, simbolo: lbf/in²) ay ang tradisyunal na yunit ng presyon sa mga sistemang imperyal at kostumbreng Estados Unidos. Maaring ihayag din ang presyon sa pamantayang presyong atmosperiko; katumbas ng atmospera (atm) ang presyong ito, at ang ikinakahulugan ang torr bilang ¹⁄₇₆₀ nito. Ang mga yunit manometriko tulad ng sentimetro ng tubig, milimetro ng merkuryo, at pulgada ng merkuryo ay ginagamit upang ihayag ang mga presyon ayon sa taas ng haligi ng isang partikular na pluido sa isang manometro.

Pormula

Ang pormulang pang-matematika ng presyon ay:

$p={\frac {F}{A}},$

kung saan:

$p$ ay ang presyon,

$F$ ay ang magnitud o kalakihan ng karaniwang puwersa,

$A$ ay ang sukat ng ibabaw sa pagdikit.