Undertale

Ang Undertale ay isang 2015 2D role-playing video game na nilikha ng Amerikanong indie developer na si Toby Fox. Kinokontrol ng manlalaro ang isang bata na nahulog sa Underground: isang malaki, liblib na rehiyon sa ilalim ng ibabaw ng Mundo, na pinaghihiwalay ng isang mahiwagang hadlang. Ang manlalaro ay nakakatugon sa iba't ibang mga halimaw sa panahon ng paglalakbay pabalik sa ibabaw, bagaman ang ilang mga halimaw ay maaaring makipag-away sa manlalaro. Kasama sa combat system ang manlalaro na nag-navigate sa pamamagitan ng mini- bullet hell attacks ng kalaban. Maaari silang magpasyang kaybiganin o supilin ang mga halimaw upang maligtas sila sa halip na patayin sila. Ang mga pagpipiliang ito ay nakakaapekto sa laro, kung saan ito ay may pagbabago sa diyalogo, mga karakter, at kuwento batay sa mga kinalabasan ng mga desisyon ng manlalaro.

Undertale
Naglathala	Toby Fox
Nag-imprenta	Toby Fox 8-4
Disenyo	Toby Fox
Gumuhit	Temmie Chang
Musika	Toby Fox
Engine	GameMaker Studio
Plataporma	OS X Windows Linux PlayStation 4 PlayStation Vita Nintendo Switch Xbox One
Release	Setyembre 15, 2015 OS X, Windows Setyembre 15, 2015 Linux Hulyo 17, 2016 PS4, PS Vita Agosto 15, 2017 Nintendo Switch Setyembre 18, 2018 Xbox One Marso 16, 2021
Dyanra	Role-playing
Mode	Single-player

Sa labas ng mga likhang sining (artwork) at mga disenyong pang-karakter ni Temmie Chang, binuo ni Fox ang kabuuan ng laro nang mag-isa, kasama ang script at musika. Ang laro ay nakakuha ng inspirasyon mula sa ilang mga sikat na laro, kabilang ang Brandish, Mario & Luigi, at Mother role-playing game series, bullet hell shooter series na Touhou Project, role-playing game na Moon: Remix RPG Adventure, at pangkatatawang Ingles na palabas na Mr. Bean. Ang Undertale ay orihinal na sinadya na dalawang oras ang haba ng paglalaro at nakatakdang ipalabas sa publiko noong kalagitnaan ng 2014, ngunit nakatanggap ng mga pagkaantala.

Ang laro ay inilabas para sa OS X at Windows noong Setyembre 2015. Naiangkop din ito sa Linux noong Hulyo 2016, PlayStation 4 at PlayStation Vita noong Agosto 2017, ang Nintendo Switch noong Setyembre 2018, at Xbox One noong Marso 2021. Ang laro ay pinarangalan para sa pampakay na materyal, makabagong sistemang labanan (combat system), kagandahan ng musika, pagka-orihinal na kuwento, diyalogo, at mga karakter. Ang laro ay nagbebenta ng higit sa isang milyong kopya at hinirang para sa maraming mga parangal at kagawaran. Ilang mga lathalain at kombensiyon sa paglalaro ang naglista ng Undertale bilang laro ng taon, at ang iba ay naglista na nito bilang isa sa mga pinakamahusay na video game. Dalawang kabanata ng isang nauugnay na laro, ang Deltarune, ay inilabas noong 2018 at 2021.