Baba ghanoush
Ang baba ghanoush (Arabe بابا غنوج bābā ghannūj, maari rin baba ganush, baba ghanouj o baba ghanoug) ay isang putaheng Levantino ng lutong talong na may sangkap na sibuyas, kamatis, mantikang mula sa oliba at iba’t ibang pampalasa/rekado. Sa terminong Arabe, ang ibig sabihin ng baba ghanoush ay pampered papa (mapagpalayaw na ama) o coy daddy (mahiyaing ama), marahil may kaugnayan ito sa kung sinoman miyembro ng makaharing harem.
 | |
| Kurso | Pampagana |
|---|---|
| Lugar | Gitnang Silangan |
| Pangunahing Sangkap | Talong, langis ng oliba |
| |
Ang Arabeng pamamaraan ng paghahanda nito ay ang pag-iihaw ng talong sa apoy bago ito balatan, para ito’y lumambot at magkalasa na parang maaso. Ito ay isang karaniwang pampagana, na kadalasang ginagawang sawsawan ng khubz o tinapay (pita bread), at minsan idinadagdag sa ibang putahe. Ito ay sikat sa Levant (sakop ang Israel, Jordan, Lebanon, Palestine at Syria) gayun din sa Armenia.
May katulad na putahe ito, pero may pinisang talong na walang kasamang ibang gulay na kilala bilang mutabbal (متبل literal na salin: maanghang) sa Levant at sa Armenia, pero tinatawag na baba ghanoush sa Ehipto.