Ang biyomekanika ay ang pag-aaral ng kaayusan ng mga sistemang biyolohikal tulad ng tao, hayop, halaman at selula sa pamamaraan ng mekanika.

Ang biyomekanika ay may malapit na relasyon sa inhinyeriya dahil madalas nitong ginagamit ang mga tradisyonal na agham pang-inhinyeriya para suriin ang mga sistemang biyolohiko. Ang applied mechanics, lalo na ang mga disiplina ng inhinyeriyang mekanikal, ay may prominenteng papel sa pag-aaral ng biyomekanika.

Ang pag-aaral ng biyomekanika ay umaabot sa pinakaloob na parte ng selula hanggang sa pagbuo ng iba’t ibang parte ng katawan, pati na rin sa katangiang mekanikal ng malambot na tisyu, at buto. Ang ibang simpleng halimbawa ng biyomekanikang pananaliksik ay ang pagsisiyasat sa puwersa na kumikilos sa mga parte ng katawan ng mga organismo.