Kagawaran ng Kagalingan at Pagpapaunlad Panlipunan

Ang Kagawaran ng Kagalingan at Pagpapaunlad Panlipunan (Ingles: Department of Social Welfare and Development o DSWD) ay ang kagawarang tagapagpatupad ng Pamahalaan ng Pilipinas na responsable sa pangangalaga ng karapatan ng bawat Pilipino sa kagalingang panlipunan at sa pagpapayabong ng pag-unlad ng lipunan.

Kagawaran ng Kagalingan at Pagpapaunlad Panlipunan Department of Social Welfare and Development
Pagkakatatag	Nobyembre 1, 1939
Kalihim	Rolando Joselito D. Bautista
Salaping Gugulin	P3.557 bilyon (2007)
Websayt	www.dswd.gov.ph

Kasaysayan

Punong tanggapan ng DSWD sa Metro Manila

Noong 1915, ang Tanggapan ng Pampublikong Kapakanan o ang Public Welfare Board(PWB) ay nilikha at inatasan na mag-aral, mag-ugma at magnuntunan sa lahat ng pamahalaan at pribadong mamamayan na nakikibahagi sa mga serbisyong panlipunan.

Noong Nobyembre 1, 1939, ang Batas Komonwelt Blg. 439 ay lumikha ng Kagawaran ng Kalusugan at Pampublikong Kapakanan at noong 1941, opisyal na naging bahagi ng Kawanihan ng Kalusugan Pampublikong Kapakanan ang Tanggapan ng Pampublikong Kapakanan. Bilang karagdagan sa pag-uugnay sa mga serbisyo ng lahat ng pampubliko at pribadong institusyon sa kapakanan ng lipunan, pinamamahalaan din ng Kawanihan ang lahat ng mga pampublikong institusyon na nag-aalaga sa bata at ang pagkakaloob ng mga serbisyo sa kapakanan ng bata.

Noong 1947, ipinawawalang-bisa ni Pangulong Manuel Roxas ang Tanggapan ng Pampublikong Kapakanan at ginawang Social Welfare Commission o Komisyon ng Pagpapaunlad Panlipunan at inilagay sa tanggapan ng Pangulo.

Taong 1968, ipinangalang ang ahensya na Kagawaran ng Pagpapaunlad Panlipunan o Department of Social Welfare. Noong 1976, ipinangalan ni Pangulong Ferdinand Marcos ang ahensya na Kagawaran ng Serbisyong Panlipunan at Kagalingan, na naging ministro noong 1978. Naging DSWD o Kagawaran ng Kagalingan at Pagpapaunlad Panlipunan sa utos ni Pangulong Corazon Aquino noong 1987 mula sa Kautusang Tagapagpaganap bilang 123, at noong 1991, ang mga serbisyo ng DSWD ay binigay responsibilidad sa mga pamahalaang lokal.

Tala ng mga Kalihim/Ministro ng Kagalingan at Pagpapaunlad Panlipunan

(*) Pansamantalang Tagapamalakad (**) Sabay na ginagampanan bilang Pangulo

Bilang	Pangalan	Buwang Nagsimula	Buwang Nagtapos	Pangulong pinaglingkuran
Ministro ng Kagalingan
1	Gracio Gonzaga	Enero 21, 1899	Mayo 7, 1899	Emilio Aguinaldo
Kalihim ng Panutong Pambayan, Kalusugan, at Kagalingang Pambayan
2	Sergio Osmeña	Disyembre 24, 1941	Agosto 1, 1944	Manuel Quezon
Kalihim ng Katarungan, Paggawa at Kagalingan
3	Honorario Poblador, Sr.	Agosto 1, 1944	Disyembre 25, 1944	Sergio Osmeña
*	Mariano A. Eraña	Disyembre 25, 1944	Pebrero 17, 1945
Kalihim ng Kalusugan at Kagalingang Pambayan
4	Basilio Valdes	Pebrero 17, 1945	Nobyembre 10, 1945	Sergio Osmeña
5	Jose Locsin	Nobyembre 10, 1945	Mayo 28, 1946
6	Antonio Villarama	Mayo 28, 1946	Disyembre 30, 1953	Manuel Roxas
				Elpidio Quirino
Ministro ng Kagalingang Panlipunan at Pagpapaunlad
7	Slyvia Montes	1978	1986	Ferdinand Marcos
Kalihim ng Kagalingang Panlipunan at Pagpapaunlad
8	Mita Pardo de Tavera	1986	Hunyo 30, 1992	Corazon C. Aquino
9	Corazon Alma De Leon	Hunyo 30, 1992	Hunyo 30, 1995	Fidel V. Ramos
10	Lilian Laigo	Hunyo 30, 1995	Hunyo 30, 1998
11	Gloria Macapagal-Arroyo	Hunyo 30, 1998	Oktubre 10, 2000	Joseph Ejercito Estrada
12	Dulce Saguisag	Oktubre 10, 2000	Enero 20, 2001
13	Corazon Soliman	Enero 20, 2001	Hulyo 8, 2005	Gloria Macapagal-Arroyo
14	Luwalhati Pablo	Hulyo 8, 2005	Hulyo 20, 2005
15	Esperanza Cabral	Hulyo 21, 2005	2009
16	Celia Yangco	2009	Hunyo 30, 2010
17	Corazon Soliman	Hunyo 30, 2010	Hunyo 30, 2016	Benigno S. Aquino III
18	Judy Taguiwalo	Hunyo 30, 2016	Agosto 16, 2017	Rodrigo Duterte
*	Emmanuel Leyco	Agosto 19, 2017	Mayo 9, 2018
*	Virginia Orogo	Mayo 10, 2018	Oktubre 16, 2018
19	Rolando Joselito Bautista	Oktubre 17, 2018	Hunyo 30, 2022
20	Erwin Tulfo	Hunyo 30, 2022	Disyembre 12, 2023	Bongbong Marcos
*	REX Gatchalian	Enero 31, 2023	Kasalukuyan