Daang Batasan–San Mateo
Ang Daang Batasan–San Mateo (Ingles: Batasan–San Mateo Road), na dating tinawag na Daang Konstitusyonal (Constitutional Road), ay isang lansangang apat ang mga linya na matatagpuan sa mga lungsod ng Lungsod Quezon at San Mateo, Rizal sa Pilipinas. Nagsisimula ito sa sangandaan nito sa Daang Batasan sa Batasan Hills sa kanluran katabi ng Batasang Pambansa na siyang tahanan ng Kapulungan ng mga Kinatawan ng Pilipinas. Pagkaraan, dadaan ito pasilangan sa mga pook ng Subdibisyon ng Sunnyside Heights (kung saan tutumbukin nito ang Daang Filinvest 2) at Subdibisyon ng Filinvest II na kinabibilangan din ng Northview I at II. Tatawid ito sa Tulay ng Batasan-San Mateo sa ibabaw ng Ilog Marikina, at pagkatapos ay dadaan ito sa Felicidad Village sa San Mateo, Rizal. Tatapos ito sa sangandaan nito sa Abenida Heneral Luna na siyang pangunahing lansangan ng bayan ng San Mateo.
| Daang Batasan–San Mateo Batasan–San Mateo Road | |
|---|---|
| Constitutional Road | |
 | |
| Impormasyon sa ruta | |
| Haba | 4.0 km (2.5 mi) |
| Pangunahing daanan | |
| Dulo sa timog-silangan | Abenida Heneral Antonio Luna sa San Mateo, Rizal |
| Filinvest 2 Road | |
| Dulo sa hilaga-kanluran | Daang Batasan sa Lungsod Quezon |
| Lokasyon | |
| Mga pangunahing lungsod | Lungsod Quezon |
| Mga bayan | San Mateo |
| Sistema ng mga daan | |
| Mga daanan sa Pilipinas | |