Estasyon ng Abad Santos

Ang Estasyong Abad Santos ng LRT o Estasyong Berde na Abad Santos ng LRT ay isang estasyon sa Manila LRT (LRT-1). Katulad ng iba pang mga himpilan ng LRT-1, nakaangat sa lupa ang himpilang Abad Santos. Nagsisilbi para sa Tondo at Sta. Cruz na kapwa nasa Maynila at matatagpuan sa Abenida Rizal. Pinangalanan ang estasyon mula sa Abenida Abad Santos at kay José Abad Santos na Punong Mahistrado ng Kataas-taasang Hukuman ng Pilipinas noong Ikalawang Digmaang Pandaigdig.

Abad Santos
Sistema ng Light Rail Transit ng Maynila
Sa loob ng Estasyong Abad Santos
Pangkalahatang Impormasyon
Lokasyon	Kanto ng Abenida Rizal at Abenida Abad Santos, Bgy. 208 Zone 019 Manuguit, Tondo, Maynila
Pagmamayari ni/ng	Kagawaran ng Transportasyon (DOTr) Pangasiwaan ng Light Rail Transit (LRTA)
Linya	LRT Line 1
Plataporma	Gilid ng plataporma
Riles	2
Konstruksiyon
Uri ng estruktura	Nakaangat
Ibang impormasyon
Kodigo	AS
Kasaysayan
Nagbukas	Mayo 12, 1985
Serbisyo
Huling estasyon   Manila LRT   Susunod na estasyon R. Papa patungong Fernando Poe Jr. Line 1 Blumentritt patungong Dr. Santos

Nagsisilbi bilang pang-anim na estasyon ang estasyong Abad Santos para sa mga treng LRT-1 na patungo sa Dr. Santos at pang-dalawampung estasyon para sa mga treng patungo sa Fernando Poe Jr..

Mga kalapit na palatandaang pook

Malapit ang estasyon sa Katimugang Tarangkahan ng Sementeryong Tsino ng Maynila sa Bulebar Aurora at Kalye Felix Huertas. Malapit din ito sa Simbahan ng San Jose Manggagawa sa Tondo.

Mga kawing pangpanlalakbay

Katulad ng katabing R. Papa, maaaring sumakay ang mga pasaheo sa dyipi o mga taksi papuntang estasyong Abad Santos. Humihinto rin malapit dito ang mga bus na dumaraan sa Abenida Taft. May mga sasakyang de-padyak na nagaabang ng mga pasahero sa labas ng estasyon.

Pagkakaayos ng Estasyon

L2 Mga batalan	Platapormang pagilid, magbubukas ang mga pinto sa kanan
	Plataporma A	← Unang Linya ng LRT patungong Fernando Poe Jr.
	Plataporma B	→ Unang Linya ng LRT patungong Dr. Santos →
	Platapormang pagilid, magbubukas ang mga pinto sa kanan
L2	Lipumpon	Mga faregate, bilihan ng tiket, sentro ng estasyon, mga tindahan
L1	Daanan