Francis Baraan

Si Francis "Frank" Martin Beltran Baraan (mas kilala sa social media bilang Francis Baraan IV o Frank Baraan; pinanganak noong 5 Disyembre 1982) ay isang Pilipino na tagapagtanggol ng karapatang pantao , negosyante, dyornalista (journalist), kolumnista, pulitikal na blogger, may-ari ng otel, at personalidad ng sosyal midya.

Francis Baraan IV
Kapanganakan	Francis Martin Beltran Baraan (1982-12-05) 5 Disyembre 1982 Dagupan City
Mamamayan	Pilipino
Trabaho	Dyornalista, Blogger, Kolumnista, Aktibista
Magulang	Francisco Fontelera Baraan III Felicidad Villarda Beltran-Baraan

Noong 2020, nanomina siya para sa The Outstanding Young Men of the Philippines (TOYM) na parangal. Isa siya sa mga Finalists para sa kanyang aktibismo sa sosyal midya, at sa kanyang mga kolum sa The Philippine Business and News.

Adbokasiya

Adbokasiya ni Francis ang karapatang pantao, mental health, at LGBT rights. Si Francis rin ang nag-sponsor ng 'I Am Not Immoral' photo-video campaign bilang pagsuporta sa Ladlad Party List, isang LGBT rights party list. Kabilang sa mga tanyag na nag-attend ng event ay si Senadora Risa Hontiveros, John Lapus at iba pa.

Kabataan at Pamilya

Si Francis ay pinanganak sa Lungsod ng Dagupan, Pangasinan. Siya ang panganay sa apat na anak ng abogado at dating Justice Undersecretary Francisco Baraan III at negosyanteng Felicidad Villarda Beltran-Baraan.

Edukasyon

Nagtapos ng kursong AB English si Francis sa Lyceum-Northwestern University. Dalawang taon din siyang nag-aral ng Liberal Arts sa University of Asia and the Pacific. Nag-aral din siya sa University of Western Australia (sangay ng Manila).

Maling Impormasyon

Kabilang si Francis sa mga public figures, gaya ng TV personality na si Bianca Gonzales at ng singer at Twitter personality na si Kakie Pangilinan, na nag-tweet ng hindi beripikadong impormasyon tungkol sa mga "persons of interest" sa pagkamatay ng kontrobersyal na PAL Flight Attendant na si Christine Dacera, at nag-issue ng public apology.

Tanyag na Nominasyon at Parangal

Noong Oktubre 2020, nanomina si Francis ng JCI Cainta Chapter para sa isa sa mga pinakaprestihiyosong parangal para sa mga Pilipinong Kabataan, ang The Outstanding Young Men of the Philippines (TOYM) Awards ng JCI Philippines. Nanomina siya dahil sa kanyang pulitikal na aktibismo, adbokasiya para sa kalusugang mental, pagdepensa para sa karapatang pantao, at dahil sa kanyang mga artikulo sa kanyang "Brutally Frank" kolum sa The Philippine Business and News.

Sa mahigit-kumulang na daan-daang nanomina mula sa buong Pilipinas, isa si Francis sa mga napili sa 30 na Finalists, kung saan 10 ang pinal na naparangalan ng TOYM.

Sinulatan pa mismo ng TIME Democracy Icon at Senadora Leila de Lima si Francis mula sa Camp Crame nung nanomina siya.