Heart Evangelista

Si Love Marie Payawal Ongpauco, (ipinanganak 14 Pebrero 1985), mas kilala sa pangalang Heart Evangelista, ay isang kilalang aktres, mangaawit, modelo at VJ sa Pilipinas.

Heart Evangelista
Evangelista in 2012
First Lady of Sorsogon
Kasalukuyang nanunungkulan
Unang araw ng panunungkulan Hunyo 30, 2019
Nakaraang sinundan	Grace Galang Lee Rodrigueza
Personal na detalye
Isinilang	Love Marie Payawal Ongpauco (1985-02-14) 14 Pebrero 1985 Maynila, Pilipinas
Asawa	Francis Escudero (k. 2015)
Alma mater	Colegio San Agustin – Makati
Trabaho	Aktres, Businesswoman, Artist, Luxury Influencer, Commercial Model
Taong aktibo	1998–kasalukuyan
Ahente	Star Magic (2000–06) Manila Genesis (2006–08) Royal Era Entertainment (2008–10) Viva Artist Agency (2011–2018) GMA Artist Center (2018–kasalukuyan)
Relihiyon	Romanong Katoliko
Karera sa musika
Genre	Pinoy pop
Label	Star Records

Talambuhay

Kabataan

Siya ay pinanganak noong 14 Pebrero 1985 sa mga magulang na sina Reynaldo at Cecilia Ongpauco. Siya ang bunso sa pamilya, may isang kuyang nagngangalang Miguel at apat na ate na sila Lisa, Marjorie, Michelle at Camille.

Galing sya sa angkan ng mga Ongpauco na kilala para sa Barrio Fiesta. Ang kanyang tiyuhin na si Rod Ongpauco ang nagpundar ng Barrio Fiesta sa Pilipinas at ang kanyang ama ay nagtayo ng ilang Barrio Fiesta sa San Francisco, USA. Lumaki sya at nagaral sa Estados Unidos bago bumalik ang kanyang pamilya sa Pilipinas noong sya ay nasa ikaapat na baitang.

Karera

Di maikakailang isa sa mga pinakasikat na batang aktres sa Pilipinas, una syang nadiskubre ng isang commercial agent habang namimili sa mall kasama ang kanyang kapatid na si Camille. Una syang napasali sa Star Magic (dating Talent Center) ng ABSCBN at nakapareha ni John Prats sa palabas na G-Mik. Ang kanilang labtim ni John Prats ay umani ng malawak na kasikatan at nagkaroon sila ng ilang pelikulang magkasama - Trip, Ang Tanging Ina at My First Romance. Sila rin ang nagbida sa sikat na palabas na Berks. Matapos nito ay nawala na ang kanilang relasyon sa likod at harap ng kamera.

Matapos nito, nakapareha naman ni Heart si Geoff Eigenmann sa sikat na panggabing teleseryeng Hiram kung saan nakasama nila si Kris Aquino, Dina Bonnevie, John Estrada at Anne Curtis. Ang teleseryeng ito ay nagbigay kay Heart ng nominasyon sa Star Awards for TV para sa kategoryang Best Actress sa edad na 20.

Naging bida rin si Heart ng isang maaksiyong serye na Ang Panday kasama ang kanyang nobyo sa kasalukuyan na si Jericho Rosales.

Ilan pa sa mga karangalang naabot ni Heart ay ang pagkapanalo sa Best New Female Personality sa parehong Star Awards for TV at Star Awards for Movies. Nanalo rin sya ng texter's at listener's choice awards sa Himig Handog para sa kanyang sikat na kantang, Love Has Come My Way. Naglabas din sya ng kantang Tell Me sa Australia at umani ito ng popularidad doon at umabot sa #18 sa Australian hitcharts.

Sa ngayon ay ang Manila Genesis Entertainment ang namamahala sa kanyang karera matapos siyang hindi muling pumirma sa Star Magic ng ABSCBN.

Matapos ang halos isang taong pagbabakasyon at pagtutok sa paghohost at sa kanyang Heart Can foundation, kailan lang ay muli syang pumirma sa ABSCBN at nakatakdang gumawa ng bagong sineserye at variety show para sa stasyon. Ang kanyang bagong album din ay nakatakdang lumabas sa 2007.

Mga relasyon / Kontrobersiya

Nagkaroon ng relasyon si Heart sa kanyang kalabtim na si John Prats. Matapos ito ay nasabing nagkaroon sya ng relasyon sa isang anak ng sikat na politiko. Kinumpirma ni Heart ang mga bagay na ito. Naugnay din sya sa aktor na si John Lloyd Cruz pero sinabi ni Heart na hindi sila naging magkasintahan pero lumabas sila sa ilang mga pagkakataon na magkasama. Naugnay din sya kay Geoff Eigenmann dahil sa kanilang teleseryeng pinagsamahan pero nasabing hindi totoo ang mga usap usapang ito.

Isang isyung kanyang kinasangkutan ay kasama ang mas matandang aktor na si John Estrada na nakatrabaho niya sa teleseryeng Hiram. Nasabing sinubukan daw siyang isamang pauwi ni John Estrada mula sa isang bar. Si John, na may ilang mga anak mula sa dating asawa, ay nagsabing walang ganung nangyari at si Heart naman ay pinabulaanan ang usap usapan na nagkaroon sila ng relasyon noon at sinabing hindi na sya magsasalita pa sa isyu "bilang respeto sa mga anak ni John."

Sinabi rin ni Heart na ang mga isyung ito ay hindi nakasira ng relasyon nila ni Jericho. Kailan lang din ay naayos na ang gusot sa pagitan ni Jericho at John Estrada na nagugat sa isyung nabanggit. Nagkabati sila sa isang salo-salo ng mga taong kilala sa showbiz.

Relihiyon / Charity

Mula noong umpisa ng taong 2006, naging mariin si Heart sa pagsasabing siya ang nagpalit ng relihiyon mula sa pagiging Katoliko sa isang Born Again na Kristyano. Dumadalo siya sa Victory Christian Fellowship. Binanggit niya rin na ang kanyang pagpapalit ng relihiyon ay isa sa mga dahilan kung bakit siya lumipat mula sa malaki at malakas sa Star Magic papunta sa mas maliit na Genesis.

Mula noong Setyembre 2006, nagkaroon si Heart ng mas makataong papel dahil sa pagpupundar niya ng Heart Can, isang foundation na naglalayong tumulong sa mga kabataang may respiratory disease na katulad niya. Ang Heart Can foundation ay nagdadala sa kanya sa serye ng mga mall shows at naglagay ng mga lata para sa donasyon sa mga kilalang establisyamento para makapagipon ng pera para sa mga kabataang nilalayong tulungan ng charity.

Bagamat ang paglipat niya mula sa Star Magic at Genesis ay nagdulot na bumaba ang dami ng kanyang proyekto at popularidad, sinabi ni Heart na wala syang pagsisi dahil kinailangan niya talaga ang spiritwal na pagpapayong maibibigay ng Genesis sa kanya. Sinabi rin niya na masaya siya sa kanyang buhay ngayon dahil hindi lang panay trabaho ang kanyang inaatupag kundi ang tunay na buhay na rin sa likod ng kamera.

Talaan ng mga proyektong nilabasan

Telebisyon

Taon	Title	Role	Network
2009	Full House	Jessie	GMA Network
2009	Sine Novela Presents: Ngayon At Kailanman	Ayra Noche-Torres	GMA Network
2009	Fashionistas By Heart	Host	Q
2008-2009	Luna Mystika	Luna Sagrado-Samaniego & Celestina Sagrado	GMA Network
2008	Dear Friend: Edison at Anna	Anna	GMA Network
2008	Codename: Asero	Emily San Juan	GMA Network
2008*April-present	SOP Rules	Co-Host/Performer	GMA Network
2008	Your Song: Muntik Na Kitang Minahal (all Sundays of February)	Arah	ABS-CBN
2007	Your Song: Sana Ngayong Pasko	Melanie	ABS-CBN
2007	Pangarap Na Bituin	Cassie/Cassandra Salcedo	ABS-CBN
2007	Sineserye Presents: Hiram na Mukha	Carissa De Leon & Alicia Roldan	ABS-CBN
2007	Maalaala Mo Kaya: Singsing	Kaye Chua	ABS-CBN
2007	Your Song: With You	Aschelle	ABS-CBN
2006	Your Song: Ngayong Gabi	Missy	ABS-CBN
2006	Philippine Idol	Host	ABC (TV5)
2006	Maalaala Mo Kaya: Lampara	Maricel	ABS-CBN
2006	Your Song: Wish	Ria	ABS-CBN
2006	Close Up To Fame Season 2	Host	ABS-CBN
2006	Panday :Book 2	Eden & Camia	ABS-CBN
2005	Panday :Book 1	Eden	ABS-CBN
2005	Maalaala Mo Kaya: Painting	Emily Roxas	ABS-CBN
2005	Close Up To Fame Season 1	Host	ABS-CBN
2004	A.S.A.P. Fanatic	Host	ABS-CBN
2004	Hiram	Margaret Benipayo	ABS-CBN
2003	Maalaala Mo Kaya: Ferry Boat	Danne	ABS-CBN
2003	Ang Tanging Ina	Portia/Por	ABS-CBN
2003	Okay Fine Whatever	Yoko	ABS-CBN
2003	Maalaala Mo Kaya: Flat Tire	Lei	ABS-CBN
2003	Wansapanataym: Thumbgelina	Liit/Laki	ABS-CBN
2002	Maalaala Mo Kaya: Sanggol		ABS-CBN
2002	Berks	Gwyneth	ABS-CBN
2002	Arriba Arriba	Monina Arriba	ABS-CBN
2002-2007	Myx	Vj Heart	MYX/STUDIO 23
2002-2006	A.S.A.P.	Co-Host/Performer	ABS-CBN
2002	Da Pilya En Da Pilot	Heart	ABS-CBN
2001	Maalaala Mo Kaya: Exchange Gift	Irene Acosta	ABS-CBN
2001	Maalaala Mo Kaya: Burda	Jenny Castaneda	ABS-CBN
2001	Da Body En Da Guard	Heart	ABS-CBN
2001	G-Mik	Missy	ABS-CBN

Pelikula

Taon	Titulo	Karakter na ginampanan
2004	Bcuz of U	Cara
2003	My First Romance	Jackie ("One Love" Episode)
2003	AngTanging Ina	Portia/Por
2002	Jologs	Coffee Shop Passerby (cameo role)
2001	Trip	Faye

Music videos

Taon	Awit	Album
2003	One	Heart
2002	Love Has Come My Way	Himig Handog Love Songs

Diskograpiya

Taon	Album
2007	(coming soon)
2003	My First Romance OST
2003	Heart
2002	Himig Handog Love Songs

Mga parangal na natanggap

Taon	Parangal sa pagganap/Kritiko	Parangal na natanggap
2006	FHM Philippines 100 Sexiest Women	Rank #15
2005	FHM Philippines 100 Sexiest Women	Rank #6
2004	FAMAS Awards	German Moreno Youth Achievement Award
2004	Guillermo Mendoza Memorial Scholarship Foundation	Princess of RP Movies
2004	FHM Philippines 100 Sexiest Women	Rank #16
2003	Awit Awards	Best Performance by a New Female Artist (Love Has Come My Way)
2003	Asia Pacific Excellence & Handog Kay Ina Awards	Youth Achiever for Arts & Entertainment
2003	Ivan Entertainment Productions: Circle of 10 Modeling Agency	Celebrity Endorser of the Year
2003	Guillermo Mendoza Memorial Scholarship Foundation	Most Popular Love Team of RP Movies
2003	Candy Rap Awards	Best Dressed Personality
2003	Album	Platinum Award (Himig Handog Love Songs Album)
2002	Himig Handog Lovesongs 2002	Listener's Choice Award (Love Has Come My Way)
2002	Himig Handog Lovesongs 2002	Texter's Choice Award (Love Has Come My Way)
2001	Star Awards	Best New Female Personality (TRIP)

Mga website na may kaugnayan

• Heart Evangelista sa IMDb