Rosa Mia

Si Rosa ay tinaguriang Ina ng Sampaguita Pictures sapagkat karamihan sa kanyang mga nagawang pelikula ay pawang nasa bakuran ng Sampaguita Pictures at nakatala siya ng halos tatlong dekada na ginampanan bilang isang matapang, uliran o martir na ina.

Unang nagbigay sa kanya ng pagkakataon gumanap bilang suporta sa mga malalaking artista si Fernando Poe para sa pelikulang Dugo ng Bayan (1946) kung saan gumanap siya bilang isa sa mga taong bayan noong panahon ng Hapon at ang makasaysayang pelikulang Intramuros (1946) na pinangunahan naman ni Fernando Poe na parehong produksiyon ng Palaris Pictures.

Taong 1947 ng nakagawa siya ng apat na pelikula ito ay ang Adbenturang Palaris ng Palaris Pictures, Bisig ng Batas ng McLaurin Bros, Hanggang Langit ng Kayumanggi Pictures at dalawa ang nagawa niya sa bakuran ng LVN Pictures ang pelikulang panlangit na Ang Himala ng Birhen sa Antipolo noong 1947 at ang Sumpaan noong 1948.

Taong 1949 ng kunin siya ng Sampaguita Pictures sa isang pelikulang Pampamilya ang Abogada na naging daan para magtuloy-tuloy na ang kanyang karera sa loob ng nasabing produksiyon. Matatandaang gumanap siya bilang panlipunan na mahirap na naging mayaman dahil sa pagsasabong ng kanyang mga anak na sina Dolphy, Boy Alano at Lolita Rodriguez sa pelikulang Sabungera at papel na isang ulirang ina ni Rogelio dela Rosa na may kapansanan sa mata sa pelikulang Maalaala mo Kaya (1954).

Gumanap din siya bilang relihiyosang ina ni Gloria Romero sa pelikulang Anak sa Panalangin, isang mayamang mataray sa komedyang handog ng Sampaguita ang Despatsadora at pangkaraniwang ina ng isang malakas na babaeng si Lolita Rodriguez sa pelikulang Binibining Kalog

Magaling din ang pagkakaganap niya bilang anak ng kambal na si Luis Gonzales sa pelikulang Ikaw ang Buhay ko at isang inang pagala-gala na pilit hinahanap ng isang anak na si Juancho Gutierrez sa madramang pelikula ng taon ang Inang Mahal.

Si Rosa ay sumakabilang buhay noong 28 Nobyembre 2006 isang buwan bago ang kanyang kaarawan. Namatay siya ng "natural causes" at walang hirap na dinanas. ang kanyang magiging huling hantungan ay sa Holy Cross cemetery sa Novaliches, Q.C.

Kasalukuyang nakaburol siya sa SAPINOSO Grand Chapels sa Imus, Cavite kung saan siya namamahinga kasama ang kanyang pamilya. Si Rosa Mia ay may 10 kapatid at ikatlo na siya sa mga namahinga dito. 81 taong gulang nung siya'y kinuha sa atin ng panginoon.

Tunay na Pangalan

Rosita Quinto Stecza

Kapanganakan

23 Disyembre 1924

Lugar ng Kapanganakan

Baclaran, Pasay City

Pelikula

1946 - Dugo ng Bayan
1946 - Intramuros
1947 - Bisig ng Batas
1947 - Ang Himala ng Birhen sa Antipolo
1947 - Hanggang Langit
1947 - Anak-Pawis
1948 - Sumpaan
1949 - Abogada
1950 - Huling Patak ng Dugo
1951 - Kasaysayan ni Dr. Ramon Selga
1951 - Bernardo Carpio
1951 - Batas ng Daigdig
1951 - Rebecca
1952 - Lihim ng Kumpisalan
1953 - Recuerdo
1953 - Vod-A-Vil
1954 - Musikong Bumbong
1954 - Matandang Dalaga
1954 - Milyonarya at Hampaslupa
1954 - Sabungera
1954 - Luha ng Birhen
1954 - Anak sa Panalangin
1954 - Menor de Edad
1954 - Tres Ojos
1955 - Bulaklak sa Parang
1955 - Mariposa
1955 - Despatsadora
1955 - Rosanna
1955 - Waldas
1955 - Binibining Kalog
1956 - Prince Charming
1956 - Teresa
1956 - Tumbando Cana
1956 - Gilda
1956 - Pagdating ng Takipsilim - bilang aktres at direktora
1956 - Inang Mahal
1957 - Hongkong Holiday
1957 - Sino ang Maysala
1957 - Pasang Krus
1957 - Mga Anak ng Diyos
1957 - Pretty Boy
1957 - Hahabul-Habol - bilang direktora
1958 - Ako ang Maysala
1958 - Tatlong Ilaw sa Dambana
1958 - Madaling Araw
1958 - Baby Bubut
1958 - Alaalang Banal
1958 - Talipandas

Tribya

alam ba ninyo na gumanap si Rosa Mia bilang ina ni Rogelio dela Rosa sa pelikulang Maalaala mo Kaya na 10 sampung taong di-hamak ang tanda sa kanya.
alam ba ninyo na ang pelikulang Pagdating ng Takipsilim ang pelikulang hindi niya malilimutan dahil ito ang una niyang idinirihe bilang direktora.