Sarsang Henobes
Ang sarsang Henobes ay isang mabigat sarsa ng pasta na gawa sa sibuyas mula sa rehiyon ng Campania, Italya. Marahil ipinakilala sa Napoles mula sa hilagang Italyanong lungsod ng Genoa noong panahon ng Renasimiyento, naging sikat ito sa Campania at nakalimutan sa ibang lugar.
 Sarsang Henobes at pastang candele na inihain sa Villa Cimbrone sa Ravello, Campania, Italya | |
| Uri | Sarsa |
|---|---|
| Lugar | Italya |
| Rehiyon o bansa | Campania |
| Gumawa | Imigranteng Henobes |
| Taon | Ika-15 o ika-16 siglo |
| Pangunahing Sangkap | Sibuyas |
| Karagdagang Sangkap | Karne ng baka, guya, o baboy |
| |
Pambihira ang sarsa dahil matagal ang paghahanda upang mapalambot at maging malasa ang mga sibuyas.
Kasaysayan baguhin
Sa kabila ng pangalan nito na nangangahulugang "sa estilong Genoa," ang sarsang Henobes ay isang pangunahing sarsa ng pasta ng Napoles at makabuluhang bahagi ng kasaysayan ng pagluluto nito na ipinakilala sa lungsod noong ika-15 o ika-16 na siglo.[1][2] Maaaring ipinakilala ang sarsa ng mga Henobes na imigrante o mangangalakal noong panahon na ang Genoa at Napoles ay dalawa sa pinakamahalagang daungan ng Italya.[1][3] Maaari rin itong tumutukoy sa pangalan ng tagagawa nito, dahil laganap na na apelyido ang Henobes (Genovese) sa Campania. Hindi na kilala ngayon ang sarsang Henobes na lampas sa Campania.[4]
Iminumungkahi ng paggamit ng sarsa ng mga sibuyas ang impluwensyang Pranses, at makahawig ito sa Boeuf à la mode.[1] Noong kalagitnaan ng ika-19 na siglo, inihain ang 'Salmon sa sarsang Holandes at Henobes' sa restawrang Grand Véfour ng Palais-Royal sa Paris bilang isang putaheng luho.[5]
Ang sarsang Henobes ay hindi dapat malito sa Pesto mula sa Genoa at Liguria, ni sa Salsa Genovese na gawa sa pulang alak at gulay para sa mga isda,[6] ni sa sarsang génevoise mula sa Lawa ng Geneva na inihahain din kasama ng isda.
Paghahanda baguhin
Inihanda ang sarsang Henobes sa pamamagitan ng paggisa ng alinman sa karne ng baka o guya sa mararaming sibuyas mula dalawa hanggang sampung oras.[1][3][7] Karaniwang sinamahan ang sibuyas ng tinadtad na karot at kintsay sa isang soffritto.[1][2][3][7][8]
Napakahalaga ang mabagal na pagluto ng mga sibuyas para sa lasa ng sarsa,[9] at pinapadali ito sa pagdaragdag nang pagdaragdag ng puting alak, sabaw, o pareho.[1][3] Maaaring ihain ang sarsa at kasamang pasta ng karne mula sa sarsa o hiwalay, pinalamuti ng mga kamatis, at pinatungan ng pecorino.[2][7]
Mas mainam gamitin ang malaki, silindrikong pasta tulad ng rigatoni, ziti o candele dahil maaari nilang hawakan ang mabigat na sarsa.[1][2]
Mga sangkap para sa 4 na plato baguhin
Karne 600 g, ̈gintong sibuyas 1 kg, asanorya 60 g, kintsay 60 g, langis ng oliba.
Tingnan din baguhin
Mga sanggunian baguhin
- ↑ 1.0 1.1 1.2 1.3 1.4 1.5 1.6 Seed, Diane (2012). The Top One Hundred Pasta Sauces. Random House. pp. 137–8.
- ↑ 2.0 2.1 2.2 2.3 May, Tony (2005). Italian Cuisine: The New Essential Reference to the Riches of the Italian Table. Macmillan. pp. 31–32.
- ↑ 3.0 3.1 3.2 3.3 Licino, Hal. "The Greatest Pasta Sauce You've Never Tasted". Hubpages. Nakuha noong 23 July 2013.[patay na link]
- ↑ Asimov, Eric (28 August 2002). "Restaurants: the cooking of Naples, pure and simple". The New York Times.
- ↑ Kingston, Ralph (2012). Bureaucrats and Bourgeois Society: Office Politics and Individual Credit in France 1789-1848. Palgrave Macmillan. p. 141.
- ↑ Plotkin, Fred (1997). Recipes from Paradise: Life & Food on the Italian Riviera. Little, Brown and Company. p. 86. ISBN 0316710717.
- ↑ 7.0 7.1 7.2 Alberts, Bonnie. "Cooking with Giuseppe – Paccheri alla Genovese". Nakuha noong 23 July 2013.
- ↑ Schwartz, Arthur (1998). Naples at Table: Cooking in Campania. HarperCollins. p. 4.
- ↑ Rosentals, John (31 May 1990). "THE Sheraton Hobart has added more variety to the theme nights it has been running in the hotel's Gazebo Restaurant". Hobart Mercury.
