TriNoma
Ang TriNoma (Triangle North of Manila) ay isang malaking shopping mall sa Lungsod Quezon, Pilipinas, na pagaari ng Ayala Land Inc. Ito ay matatagpuan sa tabi ng Epifanio de los Santos Avenue at malapit sa Estasyong North Avenue ng MRT sa Lungsod Quezon na nagdudulot ng kompetisyon sa SM City North EDSA, isa sa pinakamalaking mall sa Kalakhang Maynila.[1]
Lokasyon
baguhinAng TriNoma ay matatagpuan sa EDSA corner North Avenue sa Quezon City. Matatagpuan sa “North Triangle”, ito ay napapaligiran ng North Avenue, EDSA at Mindanao Avenue. Ito ay matatagpuan sa 20 hektaryong lupa at may lapad na 195000 metro kuwadrado kasama ang The Landmark Supermarket at Department Store.
Direktang konektado ito sa MRT North Avenue Station dahil nakatayo ang mall sa ibabaw ng silungan ng estasyong MRT. Ito ay konektado sa iminumungkahing North Avenue LRT Station. Isang daang pang-ibabaw din ang ipinatayo na nagkokonekta sa Trinoma at SM North EDSA.
Kasaysayan
baguhinAng lugar na pinagtayuan ng TriNoma ay orihinal na lokasyon ng Divisoria sa EDSA, isang flea market na ipinatayo ni Mayor Brigido R. Simon Jr., bilang isang proyektong pangkabuhayan para sa mga maninirahang impormal ng Quezon City. Dahil sa kompetisyon na idinudulot kasama ang SM North EDSA, ito ay ipinasara ni Mayor Ismael A. Mathay Jr. Upang magbigay daan sa pagpapatayo ng MRT Station Depot noong 1995 at ng Ayala Land Inc. kaya nawalan ng kabuhayan ang mga maninirahang impormal.
Ang consortium ng MRT-3 na binubuo ng Fil- Estate Holdings at ng Ayala Land Inc ay nagdesisyon nag awing underground ang depot kesa sa kagaya ng sa LRT-1 dahil sa pangkomersiyal na gamit sa pagpapatayo ng mall. Noong nagsimula na ang operasyon ng MRT- 3 noong Disyembre 1999, ang pagtatayo ng mall ay hindi natuloy dahil sa kulang ang pondo. Ang North Triangle Depot Commercial Corporation ay ininkorpora sa Fil- Estate na nagtulak sa programa at ang Ayala Land Inc bilang minority stockholder.[2]
Simula 1999 hanggang 2004, walang laman ang depot space at ang SM North EDSA ay lumago noong naging destinasyon ito ng MRT-3. Isang kasunduan ang napirmahan noong Disyembre 2004 kung saan binili ng Ayala Land ang 30.89% stake ng Fil- Estate Group sa North Triangle Depot Commercial Corporation sa halagang 600.1 million pesos at kapalit ang isang lupa sa Ayala, Makati at iba pang shares ang pinagpalit.[3][4]
Sinimulang itayo ng Ayala Land ang mall noong Hunyo 2005 sa ilalim ng pangalan na “North Triangle Mall”.[5] Ang mall ay pinangalanang “TriNoma” galing sa inspirasyon ng industriyal na distrito na “TriBeca”.
Ang TriNoma ay opisyal na inilunsad sa pamamagitan ng pribadong seremonya noong 25 Abril 2007. Ang inagurasyon ay pinangunahan ng mga opisyal ng Ayala Land, ang developer, at mga awtoridad ng Quezon City, na pinangunahan ni Mayor Feliciano Belmonte Jr. May mga media din na kasama sa paglulunsad.
Ang unang pagbubukas ay dapat noong 3 Mayo 2007 ngunit nagkaroon ng delay dahil sa mga hindi pa natatapos na istruktura. Ito ay binuksan para sa publiko noong 16 Mayo 2007. Ang mall na nagkakahalagang 3.5 billion ay opisyal na nailunsad noong 16 Oktubre 2007 nina Pangulong Gloria Macapagal- Arroyo at Bise- Presidente Noli de Castro (ngayon ay ABS-CBN brodkaster).
Ang mallna ito ang unang itinayo sa 54.3 hektaryong Quezon City Triangle Exchange. Ang Quezon City Business District ay 250.6 hektaryong redevelopment ng North Triangle (North Avenue, Quezon Memorial Circle, EDSA, Quezon Avenue), East Triangle (East Avenue, Quezon Memorial Circle, EDSA, Quezon Avenue) at Veterans Center (North Avenue, Mindanao Avenue).[6]
Pisikal na Detalye
baguhinAng mall ay may apat na palapag at may dalawang minor na palapag. Ang mall ay may alfresco areas na may mga water features at landscaping. Ang mga water features ay umaagos sa mga pool sa TriNoma Park, isang oasis sa ibabaw ng mall.
Ang TriNoma Park ay isang dalawang palapag na parke na may laki na isang hektaryo. Maraming restawran na may iba’t ibang handa ang matatagpuan dito. Ang parke ay may entablado, napapaligiran ng mga pool, para sa mga pagtatanghal. Ang TriNoma Park ay konektado sa ikatlong palapag ng mall.
Ang mall ay may dalawang parking buildings, ang North Avnue Parking building at ang Mindanao Avenue Parking building. Ang North Avenue Parking Building ay kasalukuyang inaayos. May mga ibang parking din sa mga bukas na lugar.
Atraksiyon
baguhinPang- aliw
baguhin• 6 na sineng digital at isang THX na sinehan • Timezone, pinakamalaking arcade sa Pilipinas • RedBox Karaoke • Activity Center na para sa mga pagtatanghal
Parkingan
baguhinMay dalawang gusali para sa parking, ang apat na palapag na North Avenue Parking Building at ang walong palapag na Mindanao Avenue Parking Building. Mayo 8000 na puwesto para sa parking sa Mindanao Avenue Parking Building.
Natural na matampok
baguhin• Isang rooftop park sa itaas na palapag • Pitong water features, may kasamang reverse waterfall
Retail na Establihimyento
baguhinAng shopping center na kilala bilang regional mall ay mayroong 550 tindahan. Mayo 600 na tenyente at 90% ang may lease. May dalawa ring department store: Landmark Department Store at Crossings Department Store kung saan ang una ay may supermarket at hypermarket.
Sanggunian
baguhin- ↑ Bolida, Linda (12 Nobyembre 2006). "A triangle takes shape". Inquirer.net. Hinango noong 2008-01-19.
- ↑ Microsoft Word - 17-A _FY 2006_ - w. scanned signature sheet.doc
- ↑ Asian Journal Online
- ↑ Philippine Factsheet
- ↑ "Archive copy". Inarkibo mula sa orihinal noong 2007-10-17. Nakuha noong 2011-11-28.
{{cite web}}: CS1 maint: archived copy as title (link) CS1 maint: date auto-translated (link) - ↑ PGMA tasks Mayor SB to Chair QC-CBD Commission - The Official Website of the Quezon City Government