Asami Konno

Si Asami Konno (紺野あさ美 Konno Asami; ipinanganak noong 7 Mayo 1987 sa Hokkaido ng bansang Hapon) ay isang Hapones na mang-aawit, na kasapi sa grupong Morning Musume, at aktress.

Asami Konno
Kapanganakan	7 Mayo 1987 Sapporo (Subprepektura ng Ishikari, Hokkaido, Hapon)
Mamamayan	Hapon
Nagtapos	Pamantasang Keio
Trabaho	mang-aawit, artista, anawnser

Karera

Kahit na hindi maganda ang ginawa ni Asami sa kanyang audition, siya pa rin ay pinili ni Tsunku dahil sa pagsisikap na ginawa niya. Sumali siya sa grupong Morning Musume, bilang kasapi sa panglimang henerasyon ng grupo. Ang iba pang kasapi ng henerasyong ito ay sina Ai Takahashi, Makoto Ogawa, at Risa Niigaki.

Pagdating ng taong 2002, inilagay siya sa subgroup na Tanpopo, kasama ang kamiyembrong si Risa Niigaki at isang miyembro galing Melon Kinebi, si Ayumi Shibata, upang palitang sina Kaori Iida, Mari Yaguchi, at Ai Kago. Inilagay rin siya sa shuffle group na Odoru 11.

Taong 2003, nahati ang Morning Musume sa dalawang bahagi at inilagay siya sa grupong Morning Musume Sakuragumi. Taong ring iyon, inilagay siya sa Country Musume, isang grupo (hindi subgroup) sa pamamhala rin ng Hello! Project, kasama ang kamiyembrong si Miki Fujimoto. Bukod dito, inilagay siya sa shuffle group na 11 WATER, at ginawang goalkeeper ng Gatas Brilhantes H.P., koponan ng Hello! Project para sa larong soccer.

Agosto ng gayong ding taon, inihayag sa Mechaike Okajo, isang palabas sa bansang Hapon, na siya ang pinakamagaling o matalinong miyembro ng grupo, pagkatapos makakuha ng matataas na grado sa mga pagsusulit na ginawa ng palabas.

Sa sumunod na taon, sa kauna-unahang pagkakataon, pinangunahan niya ang grupong Morning Musume sa kanilang pangdalawamput-apat na single, "Namida ga Tomaranai Houkago."

Filmograpiya

Mga pelikula

• Tokkaekko (とっかえっ娘)
• Ore ga Aitsu de Aitsu ga Ore (おれがあいつであいつがおれ)

Pahayagan

Mga photobook

• Faibu Morning Musume. Goki Manbaa Shashin Shuu (5期メンバー写真集)
• Asami Konno (紺野あさ美)
• Natsufuku ~Natsu o Sugosu Shoujo~ (なつふく ～夏を過ごす少女～)

Kawing panlabas

• Profile sa Hello! Project
• ThePPN:Konno Asami