Croque monsieur
Ang croque monsieur (Pagbigkas sa Pranses: [kʁɔk məsjø]) ay mainit na sandwich na may hamon at keso. Nanggaling ang pangalan sa mga salitang Pranses na croque ("ngumalot o lutong") at monsieur ("ginoo").
 Isang croque monsieur | |
| Uri | Sandwich |
|---|---|
| Lugar | Pransiya |
| Ihain nang | Mainit |
| Pangunahing Sangkap | Tinapay, mantikilya, hamon (karaniwang pinakuluan), keso (karaniwang Gruyère), paminta at asin |
| Baryasyon | Croque madame |
| |
Kasaysayan
baguhinNagmula ang pagkain sa mga Pranses na kapihan at bar bilang meryenda. Noong pasimula ng siglong 1900, pinasikat ni Michel Lunarca, isang may-ari ng bistro, ang croque monsieur.[1]
Paghahanda
baguhinTradisyonal na ginagawa ang croque monsieur mula sa inihurnong o pinakuluang hamon at hiniwang keso sa gitna ng mga hiwa ng pain de mie, na tinabunan ng ginadgad na keso at inasnan at pinaminta nang bahagya, at inihurno sa oben o pinrito sa kawali. Maaari ring itosta ang tinapay sa pag-ihaw nito matapos ibabad sa binating itlog. Kinaugaliang gamitin ang Gruyère, ngunit ginagamit din minsan ang kesong Comté o Emmental. Sa ilang brasserie, idinaragdag din ang sarsang béchamel.
Maaaring ihurno o iprito ang croque monsieur para matunaw ang keso at upang bumuo ng balat sa ibabaw.[2][3]
Mga baryasyon
baguhinCroque madame[4] ang tawag sa croque monsieur na may itlog na pinoach o bahagyang pinrito na inilagay sa ibabaw. Sa mga parte ng Normandiya, tinatawag itong croque-à-cheval. Ayon sa diksiyonaryong Petit Robert, mapepetsahan ang pangalan sa mga 1960. Nauugnay ang pangalang croque-mademoiselle sa mas magaang behetaryanong bersiyon: gawa sa parehong tinapay, ngunit may ordinaryong tunaw na keso, at sinahugan ng perero, pipino at letsugas.[2]
Sa United Kingdom, tinatawag na toastie ang meryendang hamon-at-keso, at may mabibiling panggawa ng toastie. Sa Estados Unidos, sikat ang Monte Cristo, isang sandwich na hamon-at-keso na kadalasang sinasawsaw sa itlog at piniprito.[5]
May mga baryante ng sandwich na may pamalit o karagdagang sangkap na binigyan ng pangalan na nakamodelo sa orihinal na croque-monsieur, halimbawa:
| Pangalan | Mga idinagdag na sangkap | Sanggunian |
|---|---|---|
| Barros Jarpa | Baryasyon na may kahawig na sangkap mula sa lutuing Tsileno | [6] |
| Barros Luco | Gawa sa sinugbang baka sa halip na hamon | [6] |
| Croque provençal | Kamatis | |
| Croque auvergnat | Kesong Bleu d'Auvergne | [7] |
| Croque norvégien | Pinausukang salmon sa halip na hamon | [6] |
| Croque tartiflette | Hiniwang patatas at kesong Reblochon | |
| Croque bolognese / croque Boum-Boum | Sarsang Bolognese | |
| Croque señor | Sarsang kamatis | |
| Croque Hawaiian | Isang hiwa ng pinya | |
| Croque gagnet | Kesong Gouda at andouille | [8] |
| Croque Madame | Pinritong itlog | [6] |
| Croque monsieur na may bechamel | Karaniwang croque monsieur na nilagayan ng sarsang bechamel | [6] |
| Francesinha | Baryasyon mula sa lutuing Portuges na may pilete, tsoriso, hamon, natunaw na keso at sarsang serbesa | [6] |
-
Isang croque madame -
Isang croque provençal -
Isang croque gagnet -
Bersiyong Portuges mula sa Porto na tinatawag na "Francesinha".
Mga sanggunian
baguhin- ↑ "La savoureuse histoire du croque-monsieur" (sa wikang Pranses). Le Figaro. 4 Abril 2019. Nakuha noong 4 Abril 2019.
{{cite web}}: CS1 maint: date auto-translated (link) - ↑ 2.0 2.1 "Croque-monsieur et croque-madame font des enfants" (sa wikang Pranses). aufimin cuisine suisse. 18 Marso 2009. Nakuha noong 21 Agosto 2015.
{{cite web}}: CS1 maint: date auto-translated (link) - ↑ "Croque monsieur au four" (sa wikang Pranses). Cuisine actuelle. Nakuha noong 21 Agosto 2015.
{{cite web}}: CS1 maint: date auto-translated (link) - ↑ Dictionnaire général pour la maîtrise de la langue française, la culture classique et contemporaine. Paris: Larousse. 1993. p. 405. ISBN 2-03-320300-X. OCLC 29916226.
{{cite book}}: CS1 maint: date auto-translated (link) - ↑ "History of the Grilled Cheese Sandwich" [Kasaysayan ng Inihaw na Kesong Sandwich]. History of the Grilled Cheese Sandwich (sa wikang Ingles). Inarkibo mula sa orihinal noong 8 Marso 2021. Nakuha noong 6 Pebrero 2018.
{{cite web}}: CS1 maint: date auto-translated (link) - ↑ 6.0 6.1 6.2 6.3 6.4 6.5 Russo, Susan (2010). The Encyclopedia of Sandwiches [Ang Ensiklopedya ng Mga Sandwich] (sa wikang Ingles).
{{cite book}}: CS1 maint: date auto-translated (link) - ↑ Downie, David (23 Hulyo 2000). "Bread Winner". Los Angeles Times (sa wikang Ingles).
{{cite news}}: CS1 maint: date auto-translated (link) - ↑ "Tracing the History of the Croque Monsieur Sandwich Paris Blog Oui Always Have Paris". Oui Always Have Paris (sa wikang Ingles). 2015-08-11. Inarkibo mula sa orihinal noong 2018-10-06. Nakuha noong 2018-10-06.
{{cite news}}: CS1 maint: date auto-translated (link)