Eleanor ng Aquitania
Si Eleanor ng Aquitaine (c. 1122 – Marso 31, 1204), na nakikilala rin bilang Leonor ng Aquitania, ay ang anak na babae ni William X ng Aquitaine. Nagkaroon siya ng mas nakababatang kapatid na babaeng tinatawag na Petronilla ng Aquitaine. Dinala niya ang lalawigan ng Aquitaine (Aquitania) sa Inglatera nang pakasalan niya si Henry II ng Inglatera. Nanatili ang Aquitaine na nasa ilalim ng kapangyarihan at pagtaban ng mga Ingles sa loob ng 300 mga taon.
Eleanor ng Aquitania | |
|---|---|
.jpg) | |
| Kapanganakan | 1122[1] |
| Kamatayan | 1 Abril 1204
|
| Libingan | Fontevraud Abbey |
| Opisina | Konde ng Poitiers (1137 (Huliyano)–1204 (Huliyano)) |
| Asawa | Louis VII ng Pransiya (25 Hulyo 1137 (Huliyano)–21 Marso 1152 (Huliyano)) Henry II ng Inglatera (18 Mayo 1152 (Huliyano)–6 Hulyo 1189 (Huliyano)) |
| Anak | Marie ng Pransiya William IX, Konde ng Poitiers Henry the Young King Matilda ng Inglatera, Dukesa ng Saxony Richard I ng Inglatera Geoffrey II, Duke ng Brittany Eleanor ng Inglatera, Reyna ng Castile Joan ng Inglatera, Reyna ng Sicily John ng Inglatera |
Nakapagmanan si Eleanor ng lupain sa Pransiya habang nasa gulang na 15. Pinakasalan niya si Louis VII ng Pransiya noong Hulyo 22, 1137, at nagkaroon sila ng dalawang mga anak na babae, na sina:
Napawalan ng bisa ang kasal sa lumaon, dahil hindi sila nagkaroon ng mga anak na lalaki.
Sa pagdaka, pinakasalan ni Eleanor si Henry II ng Inglatera noong Mayo 18, 1152, at nagkaroon sila ng walong mga anak, na kabilang sina:
- Guilhem, na namatay sa edad na 3
- Henry ang Batang Hari
- Richard I of England
- John I ng Inglatera
- Matilda ng Inglatera
- Joan ng Inglatera, nakikilala rin bilang Joanna ng Inglatera
- Eleanor ng Inglatera
Higit na nakikilala rin si Eleanor dahil sa kaniyang gawain para sa Ikalawang Krusada, dahil nabigyan niya ng inspirasyon ang maraming mga tao upang sumali sa krusadang ito. Dahil sa labis na napakaraming mga tao ang nagpasyang makilahok, kung kaya't naubusan si San Bernardo ng mga krus na ipinamimigay, kung kaya kinailangan niyang pumilas ng mga piraso ng kaniyang balabal.[pinanggalingan?]
Sinuportahan ni Eleanor ang isang pagrerebelde na isinagawa ng kaniyang mga anak laban sa pamumuno ng kanilang ama noong 1173. Hindi naging matagumpay ang paghihimagsik na ito, at dahil sa galit na galit si Haring Henry II, ipinakulong ni Henry II si Eleanor sa bilangguan. Noong 1189, pagkaraang mamatay si Haring Henry II, at nang maging hari ang kaniyang anak na lalaking si Richard, napalaya si Eleanor. Sa hindi pa katagalan, namatay si Richard, kung kaya't sinuportahan niya ang pagkuha ng anak niyang si John sa trono ng Inglatera, laban sa pag-angkin ng trono ng kaniyang apong lalaki na si Arthur ng Brittany. Noong 1202, habang nagaganap ang pangangampanya sa Mairebeau, ipinagpatuloy niya ang paghadlang at pagsalungat kay Arthur. Sa pananagumpay niya, nagretiro si Eleanor sa isang monasteryo. Namatay siya sa kumbentong ito ng mga mongha noong Abril 1, 1204.[2][3][4]
Mga sanggunian
baguhin- ↑ https://www.biografiasyvidas.com/biografia/l/leonor_de_aquitania.htm.
- ↑ "Eleanor of Aquitaine." Encyclopedia of World Biography. Detroit: Gale, 1998. Biography In Context. Web. 27 Pebrero 2013.
- ↑ "Eleanor of Aquitaine." World Book Advanced. World Book, 2013. Web. 27 Pebrero 2013.
- ↑ "Eleanor of Aquitaine." World History: Ancient and Medieval Eras. ABC-CLIO, 2013. Web. 27 Pebrero 2013.
