Ang wikaing Caviteño o Kabitenyo ay isang anyo ng diyalektong Tagalog na sinasalita sa lalawigan ng Cavite, mula sa Tagaytay hanggang Lungsod ng Cavite sa Pilipinas. Ito'y mayroong sariling puntong maihahalintulad sa Batangenyo. Ang Kabitenyo Tagalog ay maituturing din na isang wikaing galing sa Lumang Tagalog. Ang mga Caviteño ay nagmula sa mga lahok ng lipi ng Batangenyo, Chavacano at Lagunense sa rehiyon ng Calabarzon, daang-taon ang nakalipas.[1][2][3]

Cavite Tagalog
Katutubo saPilipinas
RehiyonCavite
Austronesian
Latin (Tagalog or Filipino alphabet);
Historically Baybayin
Mga kodigong pangwika
ISO 639-3
Glottologbata1300

Gramatika baguhin

Nasa hanay ng timog katagalugang kasáma ng Batangas, Laguna, Quezon at ang Cavite. Ang pagiging malápit ng Cavite sa Kamaynilaan at Batangas ang naging dahilan ng lahukang Tagalog nito na tunog Batangas, Maynila, at Bulakan. Nakapaling sa tono o punto ng Batangas ang Tagalog ng Cavite sa gawing timog ng lalawigan nito, may kabagalan nga lámang ito at malinaw kung bigkasin. Isa sa mga pinakamatandang lalawigan sa Pilipinas ang Cavite, at dáting kilalá sa katawagang lalawigan ng Tangway, isang pangalang ginamit simula sa panahon ng mga Kastila hanggang sa palibot ng taóng 1950. Nagmula ang pangalang Cavite sa pangalan ng matandang bayan nito na kilalang Kawit. Naging Cavite ito sa baybay sa Kastila at ang pagdugsong ng puntong eh sa cavit, kaya naging Cavite sa kalaunan. Maraming salita at mga ekspresyon o dagliang pangungusap ang nagbigay kaibahan sa Tagalog ng Cavite kapag ihinambing sa Tagalog ng Kamaynilaan. Bagama't may pagkakaiba ang mga ito, ang pang-unawa sa pakikipagtalastasan ay sumusunod pa rin sa patakaran ng salita ng wikang Tagalog. Narito ang ilang mga pangungusap na di karaniwan sa kamaynilaan.

1. Sa biglang pagtaas ng tubig dahil sa malakas na ulan ay napaigtad ako sa kinatatayuan ko!
2. Napagawi ako sa ilat na iyan, mangilanngilan din naman ang ista gaya ng igat, may ulang at katam din naman.
3. Sal-itan nga kitang maghalo nireng tilbok sa kawa!
4. Saksa ang gulay sa baraka, kitang mamaraka nang abutin natin ang tulpukan!
5. Lagyan mo nga nang panangga yaang batang iyan nang hindi laging nauuya!
6. Nagdala nga ng bug-ong wala namang kutsara! Magsakol na lang kitang kainin itong dala mong pagkain!
7. Oy, binata! Pagkasiwal mo! Piliin mo nga yaang makakaharap mo baka sintugin yang makabangga mo!
8. Astang taga-Maynila ka na ah! Kaya lang maitim ka pa rin!
9. Nabagu na ang dating daan! Di ko na ito gamay, mahihirapan akong matukoy ang hinahanap ko!
10. Sa iyong mga ikinikilos, talastas ko na ang iniisip mo!
11. Dumausdos ang sinasakyan namin kanina sa daan! pagkatarik ba naman,ahoy!
12: Nagwagi na sa sabong ay nag agaw pa ng manok, singkara na!

Dialas baguhin

Lumang Tagalog Modernong Tagalog Ingles
1. Anlawan Hugasan Wash
2. Asbok Usok Smoke
3. Balatik Tirador Shooter
4. Banas Inis Annoying
5. Bangkito maliit-na-upuan Small Chair
6. Bokter Paldo Diss
7. Bora Handaan/Kainan Banquet
8. Bug-ong Baon Snack
9. Dagukan Sapakin Slap
10. Dalang Bihira Rarely
11. Gulok Itak Bolo
12. Guyam Langgam Ant
13. Isdog Isod Move
14. Kampet Kutsilyo Knife
15. Kanaw Timpla Blend
16. Kawil Nangawil Hooking
17. Liban Tawid Cross
18. Luglog Palabok Pancit Palabok
19. Maruta Maldita Damn
20. Na-tibo Salubsob Sliver
21. Pantyon/Panchong Sementeryo Cemetery
22. Perok-Perok Gasera Lamp
23. Pulo Gubat Forest
24. Prungo Bubog Fragment
25. Pandong/Shorpet Sumbrero Hat
27. Shower Tsinelas Fliplop
28. Sura Inis/Banas Annoyed

Mga sanggunian baguhin