Kesong puti

Kesong puti
Kesong puti
Bansa	Pilipinas
Pinagmumulan ng gatas	Kalabaw, Kambing, Baka
Pastyurisado	Oo
Tekstura	Malambot
Tagal ng paglaon	Wala
	Mga midyang may kaugynayan sa Related media on Commons sa Wikimedia Commons;

Ang kesong puti ay isang keso sa Pilipinas na malambot, di-nilalaon, at maputi. Gawa ito sa di-sinagap na gatas ng kalabaw at asin na kinulta ng suka, katas ng citrus, o minsan kuwaho. Maaari rin itong gawin mula sa gatas ng kambing o baka. Mayroon itong banayad na alat at maasim na lasa. Kapag ginamit ang pampaasido (acidifying agent), kahawig ito sa queso blanco o paneer. Kapag ginamit naman ang kuwaho, kahawig ito sa buffalo mozzarella. Maaari ring mag-iba ang kahalumigmigan, mula sa halos malagulaman hanggang sa matigas at matatag. Maaari itong kainin nang nag-iisa lamang, sabayan sa tinapay (kadalasan pandesal), o gamitin sa mga iba't ibang putahe sa lutuing Pilipino. Karaniwan itong ibinebenta na nakabalot sa dahon ng saging.^[1]

Ang pangalan nito, binabaybay ring quesong puti, ay salitang Tagalog, at ginagamit itong pangalan sa mga lalawigan ng Laguna at Bulacan. Sa Cavite, kilala ito bilang kesilyo (kasilyo rin o quesillo); habang sa hilagang Cebu, kilala ito bilang queseo o kiseyo.^[2]

Etimolohiya

Ang kesong puti ay mula sa salitang queso mula sa Kastila na may pang-angkop na -ng, at sa salitang puti. Sa mga ibang bahagi ng Pilipinas, ginagamit ang kesilyo o kasilyo sa Caviteno at queseo o kiseyo sa Sebwano. Ang mga ito ay isinakatutubong pagbaybay ng salitang quesillo sa wikang Kastila ("maliit na keso").^[2]

Tingnan din

Mga sanggunian

↑ Ponseca, Nicole & Trinidad, Miguel (2018). I Am a Filipino: And This Is How We Cook [Pilipino Ako: At Ganito Kami Magluto] (sa wikang Ingles). Artisan Books. ISBN 9781579658823.{{cite book}}: CS1 maint: date auto-translated (link) CS1 maint: multiple names: mga may-akda (link)
↑ ^2.0 ^2.1 Edgie Polistico (2017). Philippine Food, Cooking, & Dining Dictionary [Diksyonaryo ng Pilipinong Pagkain, Pagluluto, & Kainan] (sa wikang Ingles). Anvil Publishing, Incorporated. ISBN 9786214200870.{{cite book}}: CS1 maint: date auto-translated (link)^{[patay na link]}

[ponseca-1] Ponseca, Nicole & Trinidad, Miguel (2018). I Am a Filipino: And This Is How We Cook [Pilipino Ako: At Ganito Kami Magluto] (sa wikang Ingles). Artisan Books. ISBN 9781579658823.{{cite book}}: CS1 maint: date auto-translated (link) CS1 maint: multiple names: mga may-akda (link)

[polistico-2] 2.0 ^2.1 Edgie Polistico (2017). Philippine Food, Cooking, & Dining Dictionary [Diksyonaryo ng Pilipinong Pagkain, Pagluluto, & Kainan] (sa wikang Ingles). Anvil Publishing, Incorporated. ISBN 9786214200870.{{cite book}}: CS1 maint: date auto-translated (link)^{[patay na link]}

[1]

[2]