Komisyon sa Halalan

Komisyon sa Halalan
Buod ng Ahensya
Pagkabuo	11 Abril 1940
Kapamahalaan	Pamahalaan ng Pilipinas
Punong himpilan	Intramuros, Maynila, Pilipinas
Tagapagpaganap ng ahensiya	Sheriff M. Abas, Tagapangulo;
Pinagmulan na ahensiya	Komisyong konstitusyonal
Websayt	www.comelec.gov.ph

Ang Komisyon sa Halalan^[1]^[2] (COMELEC, kilala rin bilang Komisyon ng Halalan; Inggles: Commission on Elections) ay isa sa tatlong Komisyong Konstitusyunal sa Pilipinas.^[3] Ang COMELEC ang naatasang magpatupad ng mga batas panghalalan at magsagawa ng malinis, maayos, tahimik at malayang halalan.

Kabuuan

Ang Komisyon ay binubuo ng isang Tagapangulo at anim na mga Komisyonado. Ang mga kwalipikasyon ay ang mga sumusunod:

Katutubong inianak na mamamayan ng Pilipinas;
Tatlumpu't limang taong gulang sa panahon ng pagkakahirang sa kanila;
Naghahawak ng titulo sa kolehiyo; at
Hindi kailanman naging kandidato sa anumang katungkulang halal sa halalang kagyat na sinundan

Ang mayorya, kasama na ang Tagapangulo, ay dapat na mga kabilang sa Philippine Bar na nagpraktis bilang abogado sa loob ng sampung taon man lamang.^[4]

Ang Tagapangulo at mga Komisyonado ay dapat hinihirang ng Pangulo sa pagsang-ayon ng Komisyon sa Paghihirang sa isang pitong taong taning ng panunungkulan na hindi muling mahihirang. Sa mga naunang nahirang, tatlong (3) kagawad ang manunungkulan sa loob ng pitong taon, dalawang kagawad sa limang taon at mga nalalabing kagawad sa tatlong taon na hindi na muling mahihirang. Ang paghirang ukol sa ano mang bakante ay dapat lamang na sa di-natapos na bahagi ng taning na panahon ng panunungkulan ng hahalinhan. Hindi dapat hirangin o italaga ang sinumang kagawad sa katayuang pansamantala.^[5]

Kapangyarihan ng Komisyon sa Halalan

Ang Komisyon ay may kapangyarihan ng tulad ng sumusunod:^[6]

Magpatupad at mamahala sa pagpapatupad ng lahat mga batas at regulasyon na kaugnay ng padaraos ng halalan, plebisito, initiatibo, reperendum at recall;
Gampanan ang eksklusibong orihinal na hurisdiksiyon sa lahat ng mga hidwaan tungkol sa mga halalan, mga kinalabasan, at katangian ng lahat ng halal na mga pinunong pangrehiyon, panlalawigan, at panglungsod;
Magpasya, magtangi doon sa mga may kinalaman sa karapatan sa pagboto, sa lahat ng mga suliranin tungkol sa mga halalan, kasama ang pagpapasya sa bilang at kinalabasan ng mga botohan , paghirang ng mga pinuno at mga inspektor ng halalan, at pagrerehisto ng mga botante;
Magsugo,sa pagsang-ayon ng Pangulo, sa mga sangay at kasangkapang taga-pagpatupad ng batas ng Pamahalaan, kasama ang Sandatahang Lakas ng Pilipinas, ukol sa tanging layuning matiyak ang malaya, maayos, malinis, mapayapa at kapani-paniwalang halalan;
Irehistro, pagkaraan ng sapat na paglalathala, ng mga partido, mga organisasyon,o mga koalisyong pampolitika na bukod sa iba pang mga katangian, ay kinakailangang magharap ng kanilang plataporma o programa ng pamahalaan, at kilalanin ang mga lingkod-bayan ng Komisyon sa Halalan;
Batay sa beripikadong sumbong o sa pagkukusa nito, magharap ng mga petisyon sa hukuman ukol sa pagdarakip o pagwawaksi ng mga botante sa rehistro ng mga kwalipikadong botante, sisiyasatin at usigin ang paglabag sa mga batas sa halalan;
Itagubilin sa Kongreso ang mga mabisang hakabangin upang mapaliit ang gastos sa halalan, ang pagtatakda ng lugar na paglalagyan ng mga kagamitan sa propaganda, mapigil at maparusahan ang lahat ng uri ng pandaraya, mga pagkakasala at masasamang gawain sa halalan;
Itagubilin sa Pangulo ang pag-aalis sa sinumang pinuno o kawani na isinugo nito o pagpapataw ng anumang iba pang aksiyong disiplinaryo, dahil sa paglabag o pagwawalang-bahala , o pagsuway sa mga tagubilin, utos , o pasya nito, at;
Iharap sa Pangulo at sa Kongreso ang komprehensibong ulat tungkol sa pamalakad ng bawat halalan, plebisito, initiative, reperendum, o recall.

Ang Komisyon ay may kapangyarihang magpasya en banc o sa dalawang dibisyon. Dapat ding maglagda ng mga alituntunin ng pamamaraan nito upang mapadali ang pagpapasya sa mga kaso na may kaugnayan sa halalan kabilang ang mga hidwan bago iproklama ang nanalo.

Ang alin mang patawad, amnestiya, o suspensiyon ng kaparusahan sa paglabag sa mga batas , tuntunin, at mga alituntunin ng halalan ay hindi dapat ipagkaloob ng Pangulo nang walang pagsang-ayon ng Komisyon.

Mga Kagawaran ng Komisyon

Ang punong tanggapan ng Komisyon sa Intramuros, Maynila ay binubuo ng siyam na kagawaran:

Kagawaran ng Batas (Law Department)
Eleksiyon at Gawaing Pambarangay
Protestang Elektoral at Adhudikasyon
Kagawaran ng Edukasyon at Kabatiran (Eduacation and Information Department)
Talaan ng Eleksiyon at Estadistika
Gawaing Administratibo
Gawaing Pananalapi
Pantauhan (Personnel)
Pagpaplano (Planning Department)

Kasaysayan

Ang Komisyon sa Halalan noong 1978 ay binubuo nina [mula sa kaliwa]:Komisyonado Flores A. Bayot, Komisyonado Venancio S. Duque, Tagapangulo Leonardo B. Perez, Komisyonado Domingo C. Pabalete at Komisyonado Vicente Santiago, Jr.

Bago naitatag ang Komisyon, ang mga halalan sa Pilipinas ay pinamamahalaanan ng mga Kalihim ng Interyor na may malawak na kapangyarihan at karapatang pigilin o alisin sa tungkulin, sa pahintulot ng Pangulo ng Pilipinas, ang sino mang inaakalang hindi kanais-nais na opisyal sa pamahalaan. Ang hukuman ang dumidinig sa mga suliraning kaugnay sa karapatan sa pagboto at protesta ng mga kandidatong talunan. Ang Komisyong Elektoral na binubuo ng tatlong (3) Mahistrado ng Kataas-taasang Hukuman at anim (6) na kasapi ng Pambansang Asembleya (National Assembly) ang siyang dumirinig at humahatol sa mga protesta ng mga kaanib nito.

Subali't sumapit ang sandaling nagkaroon ng hinalang ang halalan ay ginagamit na kasangkapan ng mga Kalihim Panloob upang pagbigyan ang partido pampolitika ng Pangulo na kanila ring kinaaaniban. Ang malapit na ugnayang namamagitan sa Pangulo at Kalihim Panloob ang hinihinalang sanhi ng kalimita'y hindi malinis na halalang nagaganap. Upang maiwasan ang ganitong pangyayari, ang Pambansang Asembleya ay nagpasyang susugan ang Saligang Batas (ng 1935) at bumubuo ng isang Komisyon sa Halalan na papalit sa gawain ng Kalihim Panloob. Pinagtibay ng Pambansang Asembleya sa bisa ng resolusyon Bilang 73 noong 11 Abril 1940 ang tatlong susog sa probisyon ng Saligang Batas (ng 1935) na:

Payagan ang re-eleksiyon ng Pangulo;
Magtatag ng sistemang bikameral na lehislatura na bubuhay sa Senado; at
Lumikha ng nagsasariling Komisyon sa Halalan.

Ang mga susog na ito sa Saligang Batas ay niratipikahan ng mamamayan ng magdaos ng plebisito noong 17 Hunyo 1940 na isinumite sa Pangulong Franklin Delano Roosevelt upang pagpasyahan. Sa dahilang hindi pa nagkakabisa ang mga pagbabagong nabanggit, ipinasa ng Pambansang Asembleya ang Batas Komonwelt Bilang 607 nagtatag ng isang Komisyon sa Halalan na mamamahala sa halalang idadaos sa 10 Disyembre 1940. Samantala, ang mga susog sa Saligang Batas ay ganap na nagkabisa noong 2 Disyembre 1940 matapos itong sang-ayunan ng Pangulo ng Estados Unidos.

Sa kauna-unahang pagkakataon ay nagkaroon ng reorganisasyon ang Komisyon noong 22 Hunyo 1941 at sa bisa ng Batas Komonwelt Bilang 657, mula sa pagiging batas ay naging ganap na katauhang Konstitusyonal ang Komiyon. Itinakda ng 1935 Saligang Batas, na sinusugan, na manunungkulan ang Tagapangulo nito ay manunungkulan ng siyam (9) na taon, ang unang kagawad ay anim (6) na taon at ang pangalawang kagawad ay tatlong (3)taon. Sila ay maari lamang maalis sa kanilang tungkulin sa pamamagitan ng impeachment. Sila ay tatanggap ng sahod ma hindi maaring dagdagan o bawasan sa panahon ng panunungkulan, mamamahala at magpapatupad ng mga batas panghalalan at may kapangyarihang humatol sa mga suliraning may kinalaman sa halalan maliban sa karapatan sa pagboto na tanging mga hukuman lamang ang may kapangyarihang humatol.

Galeriya Ng Mga Tagapangulo

Leonardo Perez
nagsilbi: Mayo 29, 1973 hanggang Mayo 17, 1980
Vicente Santiago
nagsilbi: 1980-1985
Hilario Davide Jr.
nagsilbi: Pebrero 15, 1988-Enero 12, 1990
Bernardo Pardo nagsilbi 1990-1998
Benjamin Abalos
nagsilbi: Hunyo 17, 2002-Oktubre 1, 2007
Jose Melo
Nagsilbi: Marso 25, 2008-Enero 15, 2011
Sixto Brillantes
nagsilbi: Enero 17, 2011-Pebrero 2, 2015
Andres Bautista
nagsilbi: Abril 28, 2011 hanggang Oktubre 23, 2917
Saidamen Bait Pangarungan
nagsilbi: Marso 8 - Hunyo 1, 2022 (ad-interim)
George Erwin Garcia
kasalukuyang nagsisilbi

Tagapangulo at Kpomisyoner

1947
Tungkulin	Pangalkan	Termino
Tagapangulo	A. Gesmundo
Mga Miyembro
	R. Zalameda
	R. Rosario
	M. Marquez

Taon	Pangalan	Tungkulin	Panunungkulan
1940	Pedro Concepcion Jose C. Abreu Rufino Luna	Tagapangulo Komisyonado Komisyonado	01 Setyembre 1940 – 11 Mayo 1941 01 Setyembre 1940 – 11 Oktubre 1944 12 Setyembre 1940 – 12 Hulyo 1945
1941	Jose Lopez Vito Jose C. Abreu Rufino Luna	Tagapangulo Komisyonado Komisyonado	13 Mayo 1941 – 07 Mayo 1947 12 Hulyo 1945 – 09 Nobyembre 1949 12 Setyembre 1940 – 12 Hulyo 1945
1945	Jose Lopez Vito Francisco Enage Vicente de Vera	Tagapangulo Komisyonado Komisyonado	13 Mayo 1941 – 7 Mayo 1947 01 Setyembre 1940 – 11 Oktubre 1944 12 Hulyo 1945 – 08 Abril 1947
1947	Vicente de Vera Leopoldo Rovira Rodrigo Perez, Jr.	Tagapangulo Komisyonado Komisyonado	09 Abril 1947 – 10 Abril 1951 22 Mayo 1947 – 10 Setyembre 1954 08 Disyembre 1949-Hun 21, 1956
1951	Domingo Imperial Leopoldo Rovira Rodrigo Perez, Jr.	Tagapangulo Komisyonado Komisyonado	14 Agosto 1951 – 31 Marso 1958 22 Mayo 1947 – 10 Setyembre 1954 08 Disyembre 1949 – 21 Hunyo 1956
1955	Domingo Imperial Rodrigo Perez, Jr. Gaudencio Garcia	Tagapangulo Komisyonado Komisyonado	14 Agosto 1951 – 31 Marso 1958 08 Disyembre 1949 – 21 Hunyo 1956 18 Mayo 1955 – 11 Mayo 1960
1956	Domingo Imperial Gaudencio Garcia Sixto Brillantes	Tagapangulo Komisyonado Komisyonado	14 Agosto 1951 – 31 Marso 1958 18 Mayo 1955 – 11 Mayo 1960 20 Disyembre 1956 – 20 Hunyo 1965
1958	Jose P. Carag Gaudencio Garcia Sixto Brillantes	Tagapangulo Komisyonado Komisyonado	19 Mayo 1958 – 20 Hunyo 1959 18 Mayo 1955 – 11 Mayo 1960 20 Disyembre 1956 – 20 Hunyo 1965
1958	Gaudencio Garcia Sixto Brillantes Genaro Visarra	Tagapangulo Komisyonado Komisyonado	12 Mayo 1960 – 20 Hunyo 1962 20 Disyembre 1956 – 20 Hunyo 1965 12 Mayo 1960 – 10 Nobyembre 1962
1958	Juan V. Borra Sixto Brillantes Genaro Visarra Cesar Miraflor	Tagapangulo Komisyonado Komisyonado Komisyonado	02 Agosto 1962 – 20 Hunyo 1968 20 Disyembre 1956 – 20 Hunyo 1965 12 Mayo 1960 – 10 Nobyembre 1962 11 Nobyembre 1962 – 20 Hunyo 1971
1962	Juan V. Borra Sixto Brillantes Genaro Visarra Cesar Miraflor	Tagapangulo Komisyonado Komisyonado Komisyonado	02 Agosto 1962 – 20 Hunyo 1968 20 Disyembre 1956-Hun 20, 1965 12 Mayo 1960 – 10 Nobyembre 1962 11 Nobyembre 1962 – 20 Hunyo 1971
1965	Juan V. Borra Cesar Miraflor Gregorio Santayana	Tagapangulo Komisyonado Komisyonado	02 Agosto 1962 – 20 Hunyo 1968 11 Nobyembre 1962 – 20 Hunyo 1971 26 Hunyo 1965 – 31 Mayo 1966
1966	Juan V. Borra Cesar Miraflor Francisco Ortega	Tagapangulo Komisyonado Komisyonado	02 Agosto 1962-Hun 20, 1968 11 Nobyembre 1962 – 20 Hunyo 1971 25 Disyembre 1966 – 20 Marso 1967
1967	Juan V. Borra Cesar Miraflor Manuel Arranz	Tagapangulo Komisyonado Komisyonado	02 Agosto 1962 – 20 Hunyo 1968 11 Nobyembre 1962 – 20 Hunyo 1971 27 Agosto 1967 – 17 Oktubre 1968
1968	Manuel Arranz Cesar Miraflor Jaime N. Ferrer	Tagapangulo Komisyonado Komisyonado	18 Oktubre 1968 – 02 Hunyo 1969 11 Nobyembre 1962 – 20 Hunyo 1971 23 Mayo 1969 – 09 Hunyo 1969
1969	Jaime N. Ferrer Cesar Miraflor Lino M. Patajo	Tagapangulo Komisyonado Komisyonado	10 Hunyo 1969 – 28 Mayo 1973 11 Nobyembre 1962 – 20 Hunyo 1971 16 Hunyo 1969 – 31 Mayo 1973
1971	Jaime N. Ferrer Lino M. Patajo Jose M. Mendoza	Tagapangulo Komisyonado Komisyonado	10 Hunyo 1969 – 28 Mayo 1973 16 Hunyo 1969 – 31 Mayo 1973 06 Setyembre 1971 – 17 Mayo 1976
1973	Leonardo B. Perez Jose M. Mendoza Venancio S. Duque Flores A. Bayot Venancio L. Yaneza Casimiro R. Madarang,Jr. Fernando R. Veloso Liningding Pangandaman ^[1]	Tagapangulo Komisyonado Komisyonado Komisyonado Komisyonado Komisyonado Komisyonado Komisyonado	29 Mayo 1973 – 17 Mayo 1980 06 Setyembre 1971 – 17 Mayo 1976 01 Hunyo 1973 – 17 Mayo 1980 30 Mayo 1973 – 17 Mayo 1980 30 Mayo 1973 – 17 Mayo 1978 30 Mayo 1973 – 17 Mayo 1978 30 Mayo 1973 – 17 Mayo 1978 30 Mayo 1973 – 15 Nobyembre 1973
1974	Leonardo B. Perez Jose M. Mendoza Venancio S. Duque Flores A. Bayot Venancio L. Yaneza Casimiro R. Madarang,Jr. Fernando R. Veloso Hashim R. Abubakar	Tagapangulo Komisyonado Komisyonado Komisyonado Komisyonado Komisyonado Komisyonado Komisyonado	29 Mayo 1973 – 17 Mayo 1980 06 Setyembre 1971 – 17 Mayo 1976 01 Hunyo 1973 – 17 Mayo 1980 30 Mayo 1973 – 17 Mayo 1980 30 Mayo 1973 – 17 Mayo 1978 30 Mayo 1973 – 17 Mayo 1978 30 Mayo 1973 – 17 Mayo 1976 25 Hulyo 1974 – 17 Mayo 1976
1976	Leonardo B. Perez Venancio S. Duque Flores A. Bayot Venancio L. Yaneza Casimiro R. Madarang,Jr.	Tagapangulo Komisyonado Komisyonado Komisyonado Komisyonado	29 Mayo 1973 – 17 Mayo 1980 1 Hunyo 1973 – 17 Mayo 1980 30 Mayo 1973 – 17 Mayo 1980 30 Mayo 1973 – 17 Mayo 1978 30 Mayo 1973 – 17 Mayo 1978
1978	Leonardo B. Perez Venancio S. Duque Flores A. Bayot Venancio L. Yaneza Vicente M. Santiago, Jr. Domingo C. Pabalate	Tagapangulo Komisyonado Komisyonado Komisyonado Komisyonado Komisyonado	29 Mayo 1973 – 17 Mayo 1980 01 Hunyo 1973 – 17 Mayo 1980 30 Mayo 1973 – 17 Mayo 1980 18 Mayo 1978 – 17 Mayo 1983 17 Mayo 1978 – 17 Mayo 1980 17 Mayo 1980 – 20 Mayo 1985
1980	Vicente M. Santiago, Jr. Domingo C. Pabalate Victorino A. Savellano Jaime C. Opinion Noli M. Sagadraca Romeo N. Firme. Ide C. Tillah Luis L. Lardizabal	Tagapangulo Komisyonado Komisyonado Komisyonado Komisyonado Komisyonado Komisyonado Komisyonado	17 Mayo 1980 – 17 Mayo 1985 17 Mayo 1980 – 20 Mayo 1985 17 Mayo 1980 – 1 Abril 1986 17 Mayo 1980 – 17 Mayo 1985 17 Mayo 1980 – 17 Mayo 1983 17 Mayo 1980 – 17 Mayo 1983 17 Mayo 1980 – 17 Mayo 1983
1983	Vicente M. Santiago, Jr. Domingo C. Pabalate Victorino A. Savellano Jaime C. Opinion Noli M. Sagadraca	Tagapangulo Komisyonado Komisyonado Komisyonado Komisyonado	17 Mayo 1980 – 17 Mayo 1985 17 Mayo 1980 – 20 Mayo 1985 17 Mayo 1980 – 20 Mayo 1985 17 Mayo 1980 – 01 Abril 1986 17 Mayo 1980 – 17 Mayo 1985
1984	Vicente M. Santiago, Jr. Domingo C. Pabalate Victorino A. Savellano Jaime C. Opinion Noli M. Sagadraca Froilan M. Bacungan Ramon H. Felipe, Jr.	Tagapangulo Komisyonado Komisyonado Komisyonado Komisyonado Komisyonado Komisyonado	17 Mayo 1980 – 17 Mayo 1985 17 Mayo 1980 – 20 Mayo 1985 17 Mayo 1980 – 20 Mayo 1985 17 Mayo 1980 – 01 Abril 1986 17 Mayo 1980 – 17 Mayo 1985 21 Marso 1984 – 31 Agosto 1986 21 Marso 1984-Abr.11,1986
1985	Victorino A. Savellano Jaime C. Opinion Froilan M. Bacungan Ramon H. Felipe , Jr. Mario D. Ortiz Quirino A. Marquinez Mangontawar B. Guro	Tagapangulo Komisyonado Komisyonado Komisyonado Komisyonado Komisyonado Komisyonado	20 Mayo 1985 – 24 Marso 1986 17 Mayo 1980 – 01 Abril 1986 21 Marso 1984 – 31 Agosto 1986 21 Marso 1984-Abr.11,1986 30 Hulyo 1985 – 23 Hulyo 1986 1 Agosto 1985 – 23 Hulyo 1986 30 Hulyo 1985 – 11 Abril 1986
1986^[2]	Victorino A. Savellano Jaime C. Opinion Froilan M. Bacungan Ramon H. Felipe, Jr. Mario D. Ortiz Quirino A. Marquinez Mangontawar B. Guro Ruben Agpalo Jaime J. Layosa	Tagapangulo Komisyonado Komisyonado Komisyonado Komisyonado Komisyonado Komisyonado Komisyonado Komisyonado	20 Mayo 1985 – 24 Marso 1986 17 Mayo 1980 – 1 Abril 1986 21 Marso 1984 – 31 Agosto 1986 21 Marso 1984-Abr.11,1986 30 Hulyo 1985 – 23 Hulyo 1986 1 Agosto 1985 – 23 Hulyo 1986 30 Hulyo 1985 – 11 Abril 1986 02 Enero 1986 – 23 Hulyo 1986 02 Enero 1986 – 23 Hulyo 1986
1986^[3]	Ramon H. Felipe, Jr. Froilan M. Bacungan Leopoldo L. Africa Haydee B. Yorac ^[4] Anacleto D. Badoy, Jr. Andres R. Flores Dario C. Rama Tomas V. dela Cruz	Tagapangulo^[5] Komisyonado Komisyonado Komisyonado Komisyonado Komisyonado Komisyonado Komisyonado	11 Hulyo 1986 – 03 Pebrero 1988 21 Marso 1984 – 31 Agosto 1986 14 Hulyo 1986 – 15 Pebrero 1991 15 Hulyo 1986 – 11 Pebrero 1993 16 Hulyo 1986 – 3 Pebrero 1988 17 Hulyo 1986 – 15 Pebrero 1991 18 Hulyo 1986 – 15 Pebrero 1993 11 Disyembre 1986 – 13 Setyembre 1987
1987	Ramon H. Felipe , Jr. Leopoldo L. Africa Haydee B. Yorac Anacleto D. Badoy, Jr. Andres R. Flores Dario C. Rama Tomas V. dela Cruz Alfredo E. Abueg, Jr.	Tagapangulo Komisyonado Komisyonado Komisyonado Komisyonado Komisyonado Komisyonado Komisyonado	11 Hulyo 1986 – 03 Pebrero 1988 Hul 14, 1986–15 Pebrero 1991 15 Hulyo 1986 – 11 Pebrero 1993 16 Hulyo 1986 – 3 Pebrero 1988 17 Hulyo 1986 – 15 Pebrero 1991 18 Hulyo 1986 – 15 Pebrero 1993 11 Disyembre 1986 – 13 Setyembre 1987 16 Disyembre 1987 – 3 Nobyembre 1994
1988	Hilario G. Davide Jr. Leopoldo L. Africa Haydee B. Yorac Andres R. Flores Dario C. Rama Alfredo E. Abueg, Jr. Magdara B. Dimaampao	Tagapangulo Komisyonado Komisyonado Komisyonado Komisyonado Komisyonado Komisyonado	15 Pebrero 1988 – 7 Disyembre 1989 14 Hulyo 1986 – 15 Pebrero 1991 15 Hulyo 1986 – 11 Pebrero 1993 17 Hulyo 1986 – 15 Pebrero 1991 18 Hulyo 1986 – 15 Pebrero 1993 16 Disyembre 1987 – 3 Nobyembre 1994 15 Pebrero 1988 – 15 Pebrero 1995
1989	Haydee B. Yorac^[6] Leopoldo L. Africa Andres R. Flores Dario C. Rama Alfredo E. Abueg, Jr. Magdara B. Dimaampao	Pansamantalang Tagapangulo Komisyonado Komisyonado Komisyonado Komisyonado Komisyonado	7 Disyembre 1989 – 5 Hunyo 1991 14 Hulyo 1986 – 15 Pebrero 1991 17 Hulyo 1986 – 15 Pebrero 1991 18 Hulyo 1986 – 15 Pebrero 1993 16 Disyembre 1987 – 3 Nobyembre 1994 15 Pebrero 1988 – 15 Pebrero 1995
1991	Christian S. Monsod Haydee B. Yorac Andres R. Flores Dario C. Rama Alfredo E. Abueg, Jr. Magdara B. Dimaampao Regalado E. Maambong	Tagapangulo Komisyonado Komisyonado Komisyonado Komisyonado Komisyonado Komisyonado	6 Hunyo 1991 – 15 Pebrero 1995 15 Hulyo 1986 – 11 Pebrero 1993 17 Hulyo 1986 – 15 Pebrero 1991 18 Hulyo 1986 – 15 Pebrero 1993 16 Disyembre 1987 – 03 Nobyembre 1994 15 Pebrero 1988 – 15 Pebrero 1995 6 Hunyo 1991 – 15 Pebrero 1998
1991	Christian S. Monsod Haydee B. Yorac Andres R. Flores Dario C. Rama Alfredo E. Abueg, Jr. Magdara B. Dimaampao Regalado E. Maambong	Tagapangulo Komisyonado Komisyonado Komisyonado Komisyonado Komisyonado Komisyonado	6 Hunyo 1991 – 15 Pebrero 1995 15 Hulyo 1986 – 11 Pebrero 1993 17 Hulyo 1986 – 15 Pebrero 1991 18 Hulyo 1986 – 15 Pebrero 1993 16 Disyembre 1987- 15 Pebrero 1988 – 15 Pebrero 1995 6 Hunyo 1991 – 15 Pebrero 1998
1992	Christian S. Monsod Haydee B. Yorac Dario C. Rama Magdara B. Dimaampao Regalado E. Maambong Vicente B. de Lima Remedios Salazar- Fernando	Tagapangulo Komisyonado Komisyonado Komisyonado Komisyonado Komisyonado Komisyonado	6 Hunyo 1991 – 15 Pebrero 1995 15 Hulyo 1986 – 11 Pebrero 1993 18 Hulyo 1986 – 15 Pebrero 1993 15 Pebrero 1988 – 15 Pebrero 1995 6 Hunyo 1991 – 15 Pebrero 1998 7 Pebrero 1992 – 04 Nobyembre 1994 14 Pebrero 1992 – 15 Pebrero 1998

1. ^ Si Lininding Pangandaman ang kauna-unahang Muslim na nahirang bilang Komisyonado ng Komisyon sa Halalan.

2. ^ Ang mga bumubuo ng Komisyon bago naganap ang Rebolusyong Lakas Sambayanan sa EDSA

3. ^ Ang mga bumubuo ng Komisyon bago naganap ang Rebolusyong Lakas Sambayanan sa EDSA

4. ^ Si Haydee B. Yorac ay ang kauna-unahang babaeng nahirang na Komisyonado ng Komisyon.

5. ^ Si Ramon H. Felipe ay gumanap na Tagapangulo ng Komisyon mula 11 Abril 1986 hanggang sa siya'y hirangin ni Pangulong Corazon C. Aquino bilang ganap na Tagapangulo noong 23 Hulyo 1986.

6. ^ Nang si Davide ay hirangin ni Pangulong Aquino bilang Tagapangulo ng Fact Finding Commission na naatasang magsiyasat sa kudeta noong 1989, si Yorac ang gumanap na tagpanhulo ng Komisyon hanggang ang bagong Tagapangulo Christian S. Monsod at mapili noong 1991.

Mga Halalang Pinangasiwaan ng Comelec

Pampanguluhan (Presidential)

Petsa	Deskripsiyon	Resulta
10 Disyembre 1941	Unang halalan sa pagka-Pangulo, Pangalawang Pangulo, mga Senador at kasapi ng Kapulungan ng mga Kinatawan na pinangasiwaan ng Komisyon sa bisa ng Batas Komonwelt Bilang 666.	Pangulo:Manuel L. Quezon (Partido Nacionalista) Pangalawang Pangulo:Sergio Osmeña
23 Abril 1946	Halalan sa pagka-Pangulo, Pangalawang Pangulo, mga Senador at mga kasapi ng Kapulungan ng mga Kinatawan, sa bisa ng Batas Komonwelt Bilang 725	Pangulo: Manuel Roxas (Partido Nacionalista - Liberal wing) Pangalawang Pangulo: Elpidio Quirino
8 Nobyembre 1949^[1]	Halalan sa pagka-Pangulo, Pangalawang Pangulo, mga Senador at mga kasapi ng Kapulungan ng mga Kinatawan	Pangulo:Elpidio Quirino (Partido Liberal- Quirino Wing) Pangalawang Pangulo: Fernando Lopez
10 Nobyembre 1953	Halalan sa pagka-Pangulo, Pangalawang Pangulo, walong (8) Senador at mga kasapi ng Kapulungan ng mga Kinatawan	Pangulo: Ramon Magsaysay (Partido Nacionalista) Pangalawang Pangulo: Carlos P. Garcia
12 Nobyembre 1957	Halalan sa pagka-Pangulo, Pangalawang Pangulo, walong (8) Senador at mga kasapi ng Kapulungan ng mga Kinatawan	Pangulo:Carlos P. Garcia (Partido Nacionalista) Pangalawang Pangulo:Diosdado Macapagal (Partido Liberal)
14 Nobyembre 1961	Halalan sa pagka-Pangulo, Pangalawang Pangulo, walong (8) Senador at mga kasapi ng Kapulungan ng mga Kinatawan	Pangulo:Diosdado Macapagal (Partido Liberal) Pangalawang Pangulo:Emmanuel Pelaez
9 Nobyembre 1965	Halalan sa pagka-Pangulo, Pangalawang Pangulo, walong (8) Senador at mga kasapi ng Kapulungan ng mga Kinatawan	Pangulo:Ferdinand Marcos (Partido Nacionalista) Pangalawang Pangulo: Fernando Lopez
11 Nobyembre 1969	Halalan sa pagka-Pangulo, Pangalawang Pangulo, walong (8) Senador at mga kasapi ng Kapulungan ng mga Kinatawan	Pangulo:Ferdinand Marcos (Partido Nacionalista) Pangalawang Pangulo: Fernando Lopez
16 Hunyo 1981	Halalan sa pagka-Pangulo at reperendum tungkol sa pagdadaos ng halalang pambaranggay	Pangulo:Ferdinand Marcos (Kilusang Bagong Lipunan) Pangalawang Pangulo:^[2]
7 Pebrero 1986	Halalang "Snap" sa pagka-Pangulo at Pangalawang Pangulo	Pangulo:Ferdinand Marcos^[3] (Kilusang Bagong Lipunan) Pangalawang Pangulo: Arturo Tolentino
11 Mayo 1992	Halalan sa pagka-Pangulo, Pangalawang-Pangulo, (24) na Senador, mga Kinatawan at mga lokal na posisyon	Pangulo:Fidel Ramos (Lakas-NUCD) Pangalawang Pangulo: Joseph Ejercito Estrada (Partido ng Masang Pilipino-Nationalist People's Coalition)
11 Mayo 1998	Halalan sa pagka-Pangulo, Pangalawang-Pangulo, (12) na Senador, mga Kinatawan at mga lokal na posisyon	Pangulo:Joseph Ejercito Estrada (LDP-PMP-NPC-LAMMP Coalition) Pangalawang Pangulo:Gloria Macapagal-Arroyo (Lakas-NUCD-KAMPI)
10 Mayo 2004	Halalan sa pagka-Pangulo, Pangalawang-Pangulo, (12) na Senador, mga Kinatawan at mga lokal na posisyon	Pangulo:Gloria Macapagal-Arroyo (Lakas CMD-KAMPI-Liberal-Nacionalista Party-K4 Coalition) Pangalawang Pangulo: Noli de Castro
10 Mayo 2010	Halalan sa pagka-Pangulo, Pangalawang-Pangulo, (12) na Senador, mga Kinatawan at mga lokal na posisyon	Pangulo:Benigno Aquino III (Liberal) Pangalawang Pangulo: Jejomar Binay (PDP-LABAN)
9 Mayo 2016	Halalan sa pagka-Pangulo, Pangalawang-Pangulo, (12) na Senador, mga Kinatawan at mga lokal na posisyon	Pangulo:Rodrigo Duterte (PDP-LABAN) Pangalawang Pangulo: Leni Robredo (Liberal)

1. ^ Batay sa Batas Republika Bilang 725, gaganapin tuwing ikalawang Martes sa buwan ng Nobyembre kada apat na taon ang halalan sa pagka-Pangulo, Pangalawang Pangulo, mga Kinatawan sa Kongreso at mga lokal na posisyon, at kada dalawang taon naman sa mga Senador.

2. ^ Ang tanggapan ng Pangalawang Pangulo ay inalis sa Saligang Batas ng 1973 ngunit ito ay ibinalik ng susugan ang Saligang Batas noong 1984

3. ^ Si Ferdinand Marcos ang opisyal na ipinoroklama ng Batasang Pambansa na nagwagi sa halalang Snap ngunit ito ay pinawalang-bisa ng EDSA People Power Revolution na nagpabagsak sa pamahalaang Marcos noong 25 Pebrero 1986. Ayon sa bilang ng NAMFREL, si Corazon Aquino diumano ang tunay na nagwagi sa halalan.

Kongresyonal (Congressional)

Petsa	Deskripsiyon
10 Disyembre 1941	Unang halalang sa pagka-Pangulo, Pangalawang Pangulo, mga Senador at kasapi ng Kapulungan ng mga Kinatawan na pinangasiwaan ng Komisyon sa bisa ng Batas Komonwelth Bilang 666.
23 Abril 1946	Halalan sa pagka-Pangulo, Pangalawang Pangulo, labing-anim (16) na Senador at mga kasapi ng Kapulungan ng mga Kinatawan, sa bisa ng Batas Komonwelt Bilang 725.
11 Marso 1947	Espesyal na halalan sa pagka-Kinatawan sa ikaunang distrito kongresyonal ng Iloilo, ikalimang distrito kongresyonal ng Pangasinan, at sa nag-iisang distrito kongresyonal ng Bukidnon.
11 Nobyembre 1947	Halalan sa walong (8) Senador Espesyal na halalan sa pagka-Kinatawan ng ika-6 na distrito kongresyonal ng Cebu (sa bisa ng Proklamasyon Bilang II 33).
23 Marso 1948	espesyal na halalan sa pagka-Kinatawan ng ika-4 na distrito kongresyonal ng Iloilo at ikaunang distrito kongresyonal ng Leyte (sa bisa ng Batas Republika Bilang 25).
8 Nobyembre 1949^[1]	Halalan sa pagka-Pangulo, Pangalawang Pangulo, mga Senador at mga kasapi ng Kapulungan ng mga Kinatawan.
13 Nobyembre 1951	Halalan sa walong (8) Senador at mga lokal na posisyon sa mga lalawigan, lungsod, at bayan.
10 Nobyembre 1953	Halalan sa pagka-Pangulo, Pangalawang Pangulo, walong (8) Senador at 102 kasapi ng Kapulungan ng mga Kinatawan.
8 Nobyembre 1955	Halalan sa walong (8) Senador at mga lokal na posisyon sa mga lalawigan, lungsod, at bayan. Espesyal na halalan sa pagka-Senador upang punan ang posisyong iniwan ni Carlos P. Garcia na nahalal na Pangalawang Pangulo noong 1953 Espesyal na halalan sa pagka-Kinatawan ng ikaunang distrito kongresyonal ng Albay, at ikaunang distrito kongresyonal ng Samar (sa bisa ng Proklamasyon Bilang 178 [10 Agosto 1955]).
12 Nobyembre 1957	Halalan sa pagka-Pangulo, Pangalawang Pangulo, walong (8) Senador at 102 kasapi ng Kapulungan ng mga Kinatawan.
10 Nobyembre 1959	Halalan sa walong (8) Senador at mga lokal na posisyon sa mga lalawigan, lungsod, at bayan.
14 Nobyembre 1961	Halalan sa pagka-Pangulo, Pangalawang Pangulo, walong (8) Senador at 104 kasapi ng Kapulungan ng mga Kinatawan.
12 Nobyembre 1963	Halalan sa walong (8) Senador at mga lokal na posisyon sa mga lalawigan, lungsod, at bayan. Espesyal na halalan sa pagka-Kinatawan sa ikaunang distrito kongresyonal ng Batangas (upang punan ang iniwang posisyon ng yumaong Apolinario Apacible) at ikaunang distrito kongresyonal ng Negros Occidental (upang punan ang posisyong iniwan ng yumaong Vicente Gustillo, Sr.)[sa bisa ng Proklamasyon Bilang 154 at 150].
9 Nobyembre 1965	Halalan sa pagka-Pangulo, Pangalawang Pangulo, walong (8) Senador at 104 kasapi ng Kapulungan ng mga Kinatawan.
14 Nobyembre 1967	Halalan sa walong (8) Senador at mga lokal na posisyon sa mga lalawigan, lungsod, at bayan. Espesyal na halalan sa pagka-Kinatawan sa: unang distrito ng Ilocos Norte; at tig-iisang distrito ng Davao del Sur, Davao Oriental, Northern Samar at South Cotabato.
11 Nobyembre 1969	Halalan sa pagka-Pangulo, Pangalawang Pangulo, walong (8) Senador at mga kasapi ng Kapulungan ng mga Kinatawan.
8 Nobyembre 1971	Halalan sa walong (8) Senador at mga lokal na posisyon sa mga lalawigan, lungsod, at bayan.
11 Mayo 1987	Halalan sa dalawampu't-apat na (24) Senador at mga Kinatawan sa Kongreso Sa halalang ito, 22 Senador ang nahalal mula sa koalisyon ni Pangulong Corazon Aquino at dalawa mula sa oposisyong Grand Alliance for Democracy, sina Juan Ponce Enrile at Joseph Estrada.
11 Mayo 1992	Halalan sa pagka-Pangulo, Pangalawang-Pangulo, dalawampu't-apat na (24) na Senador, mga Kinatawan sa Kongreso at mga lokal na posisyon.
7 Marso 1994	Espesyal na halalan sa pagka-Kinatawan ng unang distrito ng Rizal
8 Mayo 1995	Halalan sa labindalawang (12) Senador, mga Kinatawan sa Kongreso, at mga lokal na posisyon.
11 Mayo 1998	Halalan sa pagka-Pangulo, Pangalawang-Pangulo, (12) na Senador, mga Kinatawan at mga lokal na posisyon.
14 Mayo 2001	Halalan sa labindalawang (12) Senador, mga Kinatawan sa Kongreso, at mga lokal na posisyon. Espesyal na halalan para sa posisyong iniwan ni Teofisto Guingona, Jr na hinirang ni Pangulong Gloria Macapagal Arroyo bilang Pangalawang Pangulo noong Pebrero 2001.
10 Mayo 2004	Halalan sa pagka-Pangulo, Pangalawang-Pangulo, (12) na Senador, mga Kinatawan at mga lokal na posisyon.
14 Mayo 2007	Halalan sa labindalawang (12) Senador, mga Kinatawan sa Kongreso, at mga lokal na posisyon.
10 Mayo 2010	Halalan sa pagka-Pangulo, Pangalawang-Pangulo, (12) na Senador, mga Kinatawan at mga lokal na posisyon.
13 Mayo 2013	Halalan sa labindalawang (12) Senador, mga Kinatawan sa Kongreso, at mga lokal na posisyon.
9 Mayo 2016	Halalan sa pagka-Pangulo, Pangalawang-Pangulo, (12) na Senador, mga Kinatawan at mga lokal na posisyon.

Mga Plebisito at Reperenda

Halalan sa Batasang Pambansa

Petsa	Deskripsiyon
7 Abril 1978	Halalan sa pagka-Kagawad sa Pansamantalang Batasang Pambansa (sa Rehiyon) Rehiyon I - 14 Rehiyon II - 8 Rehiyon III - 16 Rehiyon IV - 21 Rehiyon IV-A (Kalakhang Maynila) - 20 Rehiyon V - 12 Rehiyon VI - 16 Rehiyon VII - 13 Rehiyon VIII - 10 Rehiyon IX - 8 Rehiyon X- 9 Rehiyon XI - 10 Rehiyon XII -8
27 Abril 1978	Halalan ng 14 na Sektoral na kinatawan sa Pansamantalang Batasang Pambansa.
14 Mayo 1984	Halalan sa pagka-Kagawad sa Batasang Pambansa

Mga Lokal na Halalan

Mga sanggunian

↑ http://www.kapitbisig.com/philippines/ang-1987-konstitusyon-ng-republika-ng-pilipinas-c-ang-komisyon-sa-halalan-ang-1987-konstitusyon-ng-republika-ng-pilipinas_657.html
↑ http://www.vibalpublishing.com/assets/swf-flv/kkk/kkk6u3l11p1.swf
↑ Artikulo VIII (K), Sek. 1 , Ang Saligang-batas ng Republika ng Pilipinas
↑ Ibid.
↑ Ibid.
↑ Artikulo VIII (K), Sek.2, Ibid.

Mga panlabas na kawing

[1] ttp://www.kapitbisig.com/philippines/ang-1987-konstitusyon-ng-republika-ng-pilipinas-c-ang-komisyon-sa-halalan-ang-1987-konstitusyon-ng-republika-ng-pilipinas_657.html

[2] ttp://www.vibalpublishing.com/assets/swf-flv/kkk/kkk6u3l11p1.swf

[3] Artikulo VIII (K), Sek. 1 , Ang Saligang-batas ng Republika ng Pilipinas

[4] Ibid.

[5] Ibid.

[6] Artikulo VIII (K), Sek.2, Ibid.

[1]

[2]

[3]

[4]

[5]

[6]