Aklat ng mga Kawikaan
| Mga Aklat ng Bibliya |
|---|
|
Ang Aklat ng mga Kawikaan[1] ay isang aklat sa Lumang Tipan ng Bibliya. Ito ang pinakamagandang katipunan ng mga salawikain sa Lumang Tipan, na isinulat ng patula at naglalaman ng mga magagandang aral at mga banal na pagpapatotoo hinggil sa karunungan, kapangyarihan, lakas, kabutihan, at pagkalinga ng Diyos sa taong umaasa sa kaniya. Ibinatay ang buong pangaral ng aklat na ito sa paniniwalang "Ang pagkatakot sa Panginoon ang simula ng Karunungan"[1] o "Upang magkaroon ng kaalaman, unahin ang paggalang sa Panginoon."[2]
| Ketuvim |
|---|
| Tatlong Poetikong Aklat |
| 1. Tehillim (Mga Awit) |
| 2. Mishle (Mga Kawikaan) |
| 3. Iyyov (Job) |
| Limang Megilla |
| 4. Shir haShirim (Awit ng mga Awit) |
| 5. Rut |
| 6. Ekha (Mga Panaghoy) |
| 7. Kohelet (Mangangaral) |
| 8. Ester |
| Mga Ibang Aklat |
| 9. Daniyyel (Daniel) |
| 10. Ezra-Neẖemya (Esdras-Nehemias) |
| 11. Divre haYamim (Mga Kronika) |
Diwa
baguhinSa kabuoan, ipinahahatid ng Aklat ng mga Kawikaan ang diwa ng Karunungan, ngunit hindi lamang ang konsepto ng pagiging maalam sa maraming mga bagay-bagay o ang pagiging napakamatalino o maalam. Bagkus, pinakakahulugan nito ang pagkakaalam sa paggawa ng tamang bagay at ang paggawa o pagpapatupad sa tamang bagay na ito.[3]
Paglalarawan
baguhinIsang katipunan ng mga pagtuturong pangmoralidad at pangpananampalataya ang Aklat ng mga Kawikaan, na tumatalakay sa mga praktikal at mga pang-araw-araw na bagay-bagay, at yung may kaugnay sa kabutihang-asal, sa pangangalakal, ugnayang pangmag-anak, pakikitungo sa kapwa tao, kagandahang-asal, pagpipigil ng sarili, pagpapakumbaba, katiyagaan, paglingap sa mga taong mahihirap, katapatan sa mga kaibigan, at sa mga karanasan.[2]
Pinagmulan
baguhinIto ay kinopya sa mas naunang panitikang pangkurungan na Katuruan ni Amenemope.
Kaugnayan sa Bagong Tipan
baguhinMadalas na nagbabanggit ng mga kawikaan si Hesukristo at ang mga alagad, katulad ng mga nasa Ebanghelyo ni Juan 7, 38; sa Sulat sa mga Romano 12, 20; at sa nasa Sulat mula kay Santiago 4, 6.[1] Ipinakikita ng mga halimbawang paggamit na ito ng mga manunulat sa Bagong Tipan na iginagalang ng mga sinaunang Kristiyano ang mga kaisipang pangkarunungan ng mga sinaunang mga pantas o sambong - mga marurunong na mga tao - ng Israel.[1]
Mga bahagi
baguhinBinubuo ng limang mga bahagi ang Aklat ng mga Kawikaan.[1]
- Pambungad na Salita (1,1-9,18)
- Unang Katipunan ng mga Kawikaan ni Salomon (10,1-22,16)
- Mga Kasabihan ng Marurunong (22,17-24,34)
- Pangalawang Katipunan ng mga Kawikaan ni Salomon (25,1-29,27)
- Mga Kasabihan ng Iba't Ibang Marurunong (30,1-31,31)
Sanggunian
baguhin- ↑ 1.0 1.1 1.2 1.3 1.4 Kamalian ng Lua na sa Module:Citation/CS1 na nasa linyang 831: Walang depinisyon ang argument map para sa variable na ito: ScriptEncyclopedia.
- ↑ 2.0 2.1 Mga Kawikaan, Ang Biblia, AngBiblia.net
- ↑ Kamalian ng Lua na sa Module:Citation/CS1 na nasa linyang 831: Walang depinisyon ang argument map para sa variable na ito: ScriptEncyclopedia.
Mga panlabas na kawing
baguhin- Mga Kawikaan (Proverbs), mula sa Ang Dating Biblia (1905)
- Mga Kawikaan, mula sa Ang Biblia, AngBiblia.net