Brazo de Mercedes

Ang Brazo de Mercedes ay isang tradisyunal na Pilipinong balumbon merengge na may lamang kastard na karaniwang inambun-ambon ng pulbos-asukal. Isang uri ito ng pianono.

Brazo de Mercedes

Kurso	Panghimagas
Lugar	Pilipinas
Pangunahing Sangkap	itlog, asukal, kremang tartar
Mga midyang may kaugynayan sa Media: Brazo de Mercedes sa Wikimedia Commons

Pinagmulan

Kahit na tanyag na isinasalinwika lamang bilang "Braso ni Mercedes", ang tunay na kahulugan nito ay "Braso ng Ina ng Awa" sa Kastila, mula sa Nuestra Señora de las Mercedes, isang karaniwang madasalng pamagat para kay Maria, ina ni Hesus. Nagmumula ang panghimagas sa panahong kolonyal ng Kastila. Ito ay isa sa mga panghimagas na pinaniniwalaang naging bunga ng paggamit ng mga itinapon na mga pula ng itlog mula sa paggamit ng mga puti ng itlog para sa almires at eskayola sa Kastilang arkitekturang kolonyal.

Paglalarawan

Hindi katulad sa mga iba pang mga uri ng pianonong Pinoy na gawa sa nalulong chiffon o sponge cake, ang brazo de Mercedes ay gawa mula sa merengge at sa gayon ay hindi gumagamit ng harina. Ang merengge ay gawa sa mga puti ng itlog, kremang tartaro, at binutil na asukal. Karaniwan na ang laman ay na kastard na gawa sa mga apyak, asukal, at gatas na niluto sa mababang init sa isang banyo maria. Maaari ring idagdag sa kastard ang iba pang mga sangkap tulad ng balat ng kalamansi, mantikilya, at katas ng banilya. Kapag nahurno na ang merengge, pantay-pantay na pinapahid ang kastard sa isang kalatagan saka maingat na ginugulong para maging silindro. Kadalasan itong pinapalamig at winiwisik ng pulbos-asukal bago ihain.

Mga baryante

Maaaring magkaroon ang mga modernong bersyon nitong panghimagas ng iba't ibang iba't ibang mga laman at sangkap. Magkaiba ang mga pangalan nito, tulad ng brazo de ube, brazo de pandan, brazo de buko pandan, brazo de tsokolate, brazo de mangga, at iba pa.

Tingnan din

• Keyk na yema
• Keyk na ube
• Crema de Fruta