Pista opisyal sa Pilipinas
Ang mga pagdiriwang sa Pilipinas ay ang anumang pag-alaala at pagdaraos na ginaganap sa Pilipinas bawat taon. Kinabibilangan ito ng masasayang mga selebrasyon at pagsasakatuparan ng mga kapistahan. Dahil sa mga okasyon ang mga ito, karaniwang kinasasangkutan ito ng mga punsiyon o pagtitipon, mga seremonya, at mga parada. Ilan sa mga halimbawa ng ganitong mga pestibal ang mga pagpipista ng mga Pilipino upang alalahin ang Pasko o araw ng mga santo, kaarawan o araw ng kapanganakan ng Pangulo ng Pilipinas, ang Sayaw sa Obando, at ang Pasko ng Pagkabuhay.[1]
Sa loob ng isang taon, maraming nangyayaring mga pagdiriwang sa bansang Pilipinas. Kabilang sa mga uri nito ang pagiging mga pambansang pagdiriwang, mga pansibikong pagdiriwang, at mga pagidiriwang na panrelihiyon o makapananampalataya.[2]
| Araw | Petsa | Pambansa Pagdiriwang |
|---|---|---|
| Regular na pista opisyal | ||
| Martes | Enero 1 | Bagong Taon |
| Huwebes | Marso 28 | Huwebes Santo |
| Biyernes | Marso 29 | Biyernes Santo |
| Martes | Abril 9 | Araw ng Kagitingan |
| Miyerkules | Mayo 1 | Araw ng mga Manggagawà |
| Miyerkules | Hunyo 12 | Araw ng Kalayaan |
| Lunes | Agosto 26 | Araw ng mga Bayani |
| Sabado | Nobyembre 30 | Kaarawan ni Bonifacio |
| Miyerkules | Disyembre 25 | Araw ng Pasko |
| Lunes | Disyembre 30 | Araw ng Kabayanihan ni Dr. José Rizal |
| Espesyal na pista opisyal | ||
| Lunes | Pebrero 25 | Anibersaryo ng Rebolusyon sa EDSA |
| Sabado | Marso 30 | Sabado Santo |
| Miyerkules | Agosto 21 | Araw ng Kabayanihan ni Ninoy Aquino |
| Biyernes | Nobyembre 1 | Araw ng mga Santo |
| Pagdiriwang na sumali | ||
| Martes | Disyembre 24 | sa Araw ng Pasko |
| Martes | Disyembre 31 | sa Bagong Taon |
Mga pambansang pagdiriwang
baguhinTinatawag na mga pambansang pagdiriwang ang mga okasyong inaalala at idinaraos sa buong kapuluan ng Pilipinas. Naging mahalaga ang mga ito para sa lahat ng mga Pilipino dahil sa may kaugnayan ang mga kapistahang ito sa kasaysayan ng Pilipinas at ng lipunang Pilipino. Kalimitang itinuturing at ipinapahayag bilang isang pistang opisyal ang ganitong mga kaarawan at walang mga pasok sa mga tanggapan at mga paaralan upang makalahok sa mga seremonya ang bawat isang mamamayang Pilipino. Kabilang dito ang Bagong Taon, Araw ng Rebolusyong EDSA, Araw ng Kagitingan, Araw ng Manggagawa, Araw ng Kalayaan, at Araw ng mga Bayani.[2]
Pagdiriwang na regular
baguhin| Petsa | Pambansa Pagdiriwang |
|---|---|
| Enero 1 | Bagong Taon |
| Marso-Abril | Huwebes Santo |
| Marso-Abril | Biyernes Santo |
| Abril 9 | Araw ng Kagitingan |
| Mayo 1 | Araw ng mga Manggagawà |
| Hunyo 12 | Araw ng Kalayaan |
| Lunes sa huling Agosto | Araw ng mga Bayani |
| Nobyembre 30 | Kaarawan ni Bonifacio |
| Disyembre 25 | Araw ng Pasko |
| Disyembre 30 | Araw ng Kabayanihan ni Dr. José Rizal |
Pagdiriwang na spesyal
baguhin| Petsa | Pambansa Pagdiriwang |
|---|---|
| Pebrero 25 | Anibersaryo ng Rebolusyon sa EDSA |
| Marso-Abril | Sabado Santo |
| Hunyo 27 | Araw ng mga Mestiso |
| Agosto 21 | Araw ng Kabayanihan ni Ninoy Aquino |
| Nobyembre 1 | Araw ng mga Santo |
Mga pansibikong pagdiriwang
baguhinAng mga pansibikong pagdiriwang ay mga okasyong idinaraos sa Pilipinas sa loob ng iba't ibang mga buwang nasa loob ng isang taon. Hindi ito mga kapistahang opisyal kaya't mayroong mga pasok sa mga opisina at mga paaralan. Ngunit may mga partikular na pook na nagpapahayag na walang pasok sapagkat itinuturing ang pista bilang isang pampook o lokal na pistang opisyal. Halimbawa ng huli ang araw ng pagkakatatag ng isang lungsod o lalawigan sa Pilipinas. Narito ang may mas malawak na sakop na mga pagdiriwang na pangsibiko: ang Araw ng mga Puso, Linggo ng Pag-iwas sa Sunog, Araw ng mga Ina, Araw ng mga Ama, Linggo ng Wika (na kaarawan din ni Pangulong Manuel L. Quezon, ang Ama ng Wikang Pambansa), Araw ng mga Nagkakaisang Bansa, Linggo ng Mag-anak, Araw ng mga Guro, Araw ng Maynila, at Araw ng Lungsod Quezon.[2]
Mga panrelihiyong pagdiriwang
baguhinMarami at sari-sari ang mga idinaraos na pagdiriwang na pangpananampalataya sa bansang Pilipinas. Katulad ng ibang mga pagdiriwang, ginaganap ito sa iba’t ibang mga buwan sa loob ng buong taon. Kinakikitaan ito ng mga kaugalian, katangian, at kalinangan ng mga Pilipino. Mayroong mga piyesta opisyal at meron namang hindi opisyal na kapistahan sa ganitong mga uri ng pagdiriwang. Kabilang sa mga ito ang Pasko, Ati-Atihan, Mahal na Araw, Pahiyas (sa Quezon), Santakrusan, Pista ng Peñafrancia, Araw ng mga Patay (Todos los Santos), Ramadan, at Hari Raya Puasa.[2]
Mga sanggunian
baguhin- ↑ English, Leo James (1977). "Mga paliwanag at halimbawa ukol sa diwang at pagdiriwang". Tagalog-English Dictionary (sa wikang Ingles). Congregation of the Most Holy Redeemer. ISBN 9710810731.
{{cite ensiklopedya}}: CS1 maint: date auto-translated (link), pahina 452. - ↑ 2.0 2.1 2.2 2.3 Mga Pagdiriwang sa Pilipinas Naka-arkibo 2009-04-20 sa Wayback Machine., Seasite.niu.edu
- ↑ http://newsinfo.inquirer.net/262214/aquino-declares-16-national-holidays-for-2013