Spaghetti aglio e olio

Ang spaghetti aglio e olio (lit. na  'ispageti [na may] bawang at mantika') ay isang tradisyonal na putaheng pasta mula sa Italyanong lungsod ng Napoles. Isa itong tipikal na ulam sa lutuing Napolitano at napakasikat. Maiuugnay ang katanyagan nito sa kadalian ng paghahanda at sa paggamit nito ng mga mumurahing, madaling bilhin na sangkap na matagal na nabubuhay sa loob ng paminggalan.

Spaghetti aglio e olio

Spaghetti aglio, olio e peperoncino
Kurso	Primo (kurso ng pasta sa Italya)
Lugar	Italya
Rehiyon o bansa	Campania
Pangunahing Sangkap	Pasta (kadalasan ispageti), bawang, langis ng oliba, perehil, taliptip na sili
Baryasyon	Spaghetti aglio, olio e peperoncino (na may pamintang sili)
Halaga ng nutrisyon (per paghain)	Protina  g Taba 20% g Karbohidrata 80% g
Cookbook: Spaghetti aglio e olio sa Wikibooks   Mga midyang may kaugynayan sa Media: Spaghetti aglio e olio sa Wikimedia Commons

Dati, kilala rin ang putahe sa mga pangalang vermicelli alla Borbonica o vermicelli con le vongole fujute, kapag puting bersiyon ang pinag-uusapan.

Paghahanda

Spaghetti aglio e olio

Sinisimulan ang paggawa ng putahe sa banayad na paggisa ng bawang na hiniwa nang manipis sa langis ng oliba, at minsan dinaragdagan ng tinuyong sili – at kung ganoon, tinatawag itong spaghetti aglio, olio e peperoncino). Isinasalin ang mantika at bawang sa ispageti na niluto sa inasnang tubig. Karaniwan, binubudburan ito ng Italyanong perehil na hiniwa nang pino-pino.