Abenida Recto
Ang Abenida Claro M. Recto (Ingles: Claro M. Recto Avenue), na mas-kilala bilang Abenida Recto, ay ang pangunahing lansangang pang-komersyo sa gitnang-hilagang Maynila, Pilipinas. Dumadaan ito sa pitong distrito sa hilaga ng Ilog Pasig sa tinuringang lumang sentro ng Maynila sa nakararami. May haba itong 3.2 kilometro (2.0 milya). Nagsisimula ito sa Daang Marcos (ng Daang Radyal Blg. 10 o R-10) sa hanggannan ng Tondo at San Nicolas sa kanluran (malapit sa Manila North Harbor) at nagtatapos ito sa sangandaan ng Kalye Legarda at Kalye Mendiola sa hangganan ng Quiapo at Sampaloc sa silangan. Dumadaan ito sa pook-pamilihan ng Divisoria sa Binondo at sa katimugang paligid ng University Belt sa Quiapo at Sampaloc.
Recto Avenue | |
|---|---|
 Ang ruta ng Abenida Recto sa Kalakhang Maynila. Nakapula ito sa mapa. | |
 Abenida Recto pakanluran mula sa daang pang-ibabaw ng Abenida Abad Santos. | |
| Impormasyon sa ruta | |
| Haba | 3.2 km (2.0 mi) |
| Bahagi ng | |
| Pangunahing daanan | |
| Dulo sa kanluran |  N120 (Daang Marcos) sa Tondo |
| Dulo sa silangan |  N180 (Kalye Legarda) sa San Miguel |
| Lokasyon | |
| Mga distrito | Binondo, Quiapo, Sampaloc, San Nicolas, Santa Cruz, Tondo |
| Sistema ng mga daan | |
| Mga daanan sa Pilipinas | |
.svg)
Dumadaan sa ibabaw ng Abenida Recto ang Linya 2, at matatagpuan rin dito ang Estasyong Recto ng nabanggit na linya. Ang kabuuan ng abenida ay bahagi ng Daang Palibot Blg. 1 (C-1) ng Kamaynilaan.
May maikling karugtong ang Abenida Recto patungong distrito ng San Miguel at nakatarangkahang kompuwesto ng Palasyo ng Malakanyang bilang Kalye Mendiola.
Kasaysayan
baguhin(2017-07-13).jpg)
Itinatag ang Abenida Recto sa iba't-ibang panahon at iba't-ibang bahagi sa panahon ng mga Kastila. Ang pangunahing bahagi ng abenida na papunta sa baybayin ng Look ng Maynila sa San Nicolas at Tondo mula Binondo ay pinangalanang Paseo de Azcárraga, mula kay Marcelo Azcárraga Palmero, punong ministro ng Espanya. Sa Santa Cruz, nahahati sa mga tatlong bahagi ang abenida dahil sa mga tatlong estero (mga sapa)–Calle General Izquierdo, Calle Paz and Calle Bilibid. At sa Sampalok, ang abenida ay pinangalanang Calle Iris na nagtatapos noon sa Calle Alix (Kalye Legarda ngayon).[1] Kalaunan, ang pangalang Paseo de Azcárraga ay itinalaga sa buong kahabaan ng abenida, na minsa'y tinawag ding Paseo de Felipe (mula kay Haring Felipe II ng Espanya). Noong 1961, binigyan ng kasalukuyang pangalan ang abenida, mula kay senador Claro Mayo Recto.[2]
Noong Hulyo 7, 1892, sa isang gusaling may bilang na 72 Calle Azcarraga, sa sangandaan ng Calle Sagunto (Kalye Santo Cristo ngayon) sa Tondo, itinatag ni Andrés Bonifacio ang samahang Katipunan.[3] Noong unang bahagi ng dekada-1900, ang abenida ay isang hilera ng mga teatro at restoran. Kabilang sa mga teatro nito noon ay Teatro Libertad at Teatro Zorilla. Ang mga ito ay naghikayat sa mga maraming tao na makisig sa mananamit na manood ng kanilang mga palabas sarsuwela at opera tuwing linggo.[4]
Transportasyon
baguhinAng Abenida Recto ay isang pangunahing lugar ng paghinto sa tatlong mga linya ng Sistemang Panlulan ng Kalakhang Maynila.
- Estasyon ng Doroteo Jose ng LRT sa Abenida Rizal na pinaglilingkuran ng Linya 1.
- Estasyong Recto sa Rizal Avenue na pinaglilingkuran ng Linya 2.
- Estasyong daangbakal ng Tutuban sa Kalye Dagupan na pinaglilingkuran ng PNR.
Pinaglilingkuran din ang ruta ng ilang mga kompanya ng bus at dyipni.
Tingnan din
baguhinMga sanggunian
baguhin- ↑ "Did you know? Recto Avenue". Philippine Daily Inquirer. Nakuha noong 15 Oktubre 2013.
{{cite news}}: CS1 maint: date auto-translated (link) - ↑ "Old Manila streets lose names to politicians". Philippine Daily Inquirer. Inarkibo mula sa orihinal noong 17 Hulyo 2010. Nakuha noong 15 Oktubre 2013.
{{cite news}}: CS1 maint: date auto-translated (link) - ↑ "The Philippines, the land of palm and pine : an official guide and hand book (1912)". Manila Bureau of Print. Nakuha noong 11 Hulyo 2014.
{{cite web}}: CS1 maint: date auto-translated (link) - ↑ The Americanization of Manila, 1898-1921. University of the Philippines Press. Nakuha noong 11 Hulyo 2014.
{{cite book}}: CS1 maint: date auto-translated (link)
