Carlos P. Garcia

Si Carlos Polestico Garcia (4 Nobyembre 1896 – 14 Hunyo 1971) ay isang Pilipinong makata at politiko at ang ikawalong Pangulo ng Republika ng Pilipinas (18 Marso 1957–30 Disyembre 1961). Naging pangalawang pangulo at miyembro ng gabinete ni Ramon Magsaysay si Garcia. Nanumpa siya bilang pangulo nang mamatay si Magsaysay. Kilala si Garcia sa kanyang pagpapatupad ng patakarang "Pilipino Muna" ("Filipino First").

Carlos P. Garcia
Ika-8 Pangulo ng Pilipinas Ika-apat na Pangulo ng Ikatlong Republika
Nasa puwesto 18 Marso 1957 (halal 30 Disyembre 1957) – 30 Disyembre 1961
Pangalwang Pangulo	Diosdado Macapagal
Nakaraang sinundan	Ramon Magsaysay
Sinundan ni	Diosdado Macapagal
Ika-4 na Pangalawang Pangulo ng Pilipinas Ikatlong Pangalawang Pangulo ng Ikatlong Republika
Nasa puwesto 30 Disyembre 1953 – 18 Marso 1957
Pangulo	Ramon Magsaysay
Nakaraang sinundan	Fernando Lopez
Sinundan ni	Wala
Senador ng Pilipinas
Nasa puwesto 25 Mayo 1946 – 30 Disyembre 1953
Personal na detalye
Isinilang	4 Nobyembre 1896 Talibon, Bohol
Yumao	14 Hunyo 1971 Talibon, Bohol
Partidong pampolitika	Nacionalista
Asawa	Leonila Dimataga
Anak	Linda García-Campos
Trabaho	Abogado

Talambuhay

Maagang buhay

Isinilang si Garcia noong 4 Nobyembre 1896 sa bayan ng Talibon, Bohol. Ang kaniyang mga magulang ay sina Policronio Garcia at Ambrosia Polestico. Nag-aral siya sa Pamantasang Silliman sa Lungsod ng Dumaguete, at kinalaunan nagtapos din siya ng abogasya sa Philippine Law School at nakapasok sa bar noong 1923 sa Maynila.

Iniwan niya ang pagsasanay ng abugasya at naging guro ng highschool.

Kapulungan ng mga Kinatawan

Una niyang pinasok ang politika noong 1926 bilang kaanib sa Kapulungan ng mga Kinatawan at naglingkod hanggang 1932.

Gobernador ng Bohol

Nagsilbi si Garcia bilang gobernador ng Bohol mula 1932 hanggang 1941.

Senado

Nahalal siya sa Senado ng Pilipinas noong 1941 ngunit hindi nakapaglingkod dahil sa pananakop ng mga Hapones noong Disyembre 1941. Ipinagpatuloy niya ang paglilingkod bilang Senador nang mapalaya ang Pilipinas sa pananakop ng mga Hapones noong 1945. Siya ay nanungkulan mula 1945 hanggang 1953. Tumungo si Garcia sa Estados Unidos upang ilobby ang kabayaran para pinsala sa digmaan ng Pilipinas. Siya ay nagsilbi ring delegado ng bagong nabuong United Nations sa San Francisco. Sa Senado, siya ay naging pinuno ng minorya at namuno sa mga impluwensiyal na komite hingil sa pamahalaan, hukbo, katarungan at ugnayang pandayuhan ng Pilipinas.

Panahong Hapones

Pagkatapos sumuko ang mga Amerikano sa mga Hapones noong Mayo 1942, si Garcia ay pinahanap ng mga autoridad na Hapones upang hulihin dahil sa kanyang pagtangging sumali sa pananakop ng mga Hapones. Siya ay sumali sa puwersang gerilyang laban sa Hapon sa Bohol hanggang sa matapos ang Ikalawang Digmaang Pandaigdig.

Pangalawang Pangulo

Inaugurasyon nina Ramon Magsaysay at Carlos P. Garcia bilang Pangulo at Ikalawang Pangulo noong 30 Disyembre 1953, Independence Grandstand (ngayong Quirino Grandstand)

Noong Nobyembre 1953, si Garcia ay nahalal na Pangalawang Pangulo kasama ni Ramon Magsaysay bilang Pangulo ng Pilipinas. Sa ilalim ni Magsaysay, si Garcia ay naging Kalihim ng ugnayang pandayuhan. Bilang kalihim nito, nilikha niya ang kasunduang kapayapaan sa Hapones at nakipagayos para sa pagbabayad nito sa digmaan. Dumalo si Garcia sa Komperensiyang Geneva hinggil sa mga bagay na Asyano. Kanyang inatake ang mga komunista at sinuportahan ang mga patakarang Amerikano sa buong Silangan. Sa Pilipinas, patuloy niyang binuo ang mga patakarang pandayuhan at nangasiwa sa Southeast Asia Treaty Organization (SEATO) Conference noong 1954 na nagresulta sa walong kasaping alyansang panghukbo upang pigilan ang paglawak ng komunismo.

Pangulo

Inaugurasyon ni Carlos P. Garcia bilang Pangulo ng Pilipinas sa kamatayan ni Ramon Magsaysay.

Noong Marso 1957 si Garcia ay naging presidente matapos pumanaw si Ramon Magsaysay sa isang aksidente sa eroplano.

Nagwagi siya sa halalang pampanguluhan noong Nobyembre 1957. Upang makuha ang pagkapanalo sa 1957 halalan, pinili niya si Diosdado Macapagal mula sa oposisyong Partido Liberal na maging kasamang tatakbo bilang pangalawang pangulo.

Ekonomiya

Bilang Pangulo, nagpanatili siya ng isang striktong programa ng paghihigpit upang maalis ang korupsiyon. Sinikap niyang pigilan ang yumayabong na itim na pamilihan at sinikap na pagsiglahin ang ekonomiya. Ang paglago ng ekonomiya ng Pilipinas ay nasa 4.54 %. Kanyang ipinatupad ang patakarang "Pilipino Muna" upang wakasan ang pananaig ng mga dayuhan sa ekonomiya ng Pilipinas. Ang lahat ng mga imbestor na dayuhan na karamihan ay mga Amerikano ay nilimitahan sa kaunti sa 51 porsiyentong interes sa mga kompanyang domestiko. Sinimulan rin niya ang paglayo sa buong pagsalalay sa Estados Unidos bilang guarantor ng seguridad ng Pilipinas at naghanap ng bagong orientasyon tungo sa ibang mga bansang Asyano. Ang mga patakarang ito ay hindi nagustuhan ng mga Amerikano. Sinikap rin ni Garcia na buhayin ang mga katutubong sining pangkultura upang pagtibayin ang pagkakakilanlang pambansa ng mga Pilipino.

Habang nasa kapangyarihan, ang Pamahalaan ni Garcia ay nakipag-usap sa mga pinuno ng Estados Unidos upang mailipat sa kontrol ng Pilipinas ang mga hindi na ginagamit na base militar ng Amerika. Sa kalaunan ay naging labis ang pagiging maka-Pilipino ni Garcia at ang pagsira sa kanya ay pinasimulan sa mga pahayagan, sa himpapawid sa tulong ng CIA samantalang pinaboran naman ng mga Amerikano si Diosdado Macapagal upang manalo sa halalan noong 1961.

1961 halalan ng pagkapangulo

Noong 1961, sa gitna ng isang bumagal na ekonomiya at mga alegasyon ng korupsiyon, si Garcia ay natalo sa halalan ng pagkapangulo sa kanyang pangalawang pangulong si Diosdado Macapagal. Pagkatapos ng pagkatalo, siya ay nagretiro na sa pultika ngunit noong 1971 ay hinikayat siya ni Ferdinand Marcos na mamuno sa isang bagong kumbensiyong konstitusyonal na lilikha ng Saligang Batas ng Pilipinas ng 1973 ngunit namatay siya bago pa makuha ang posisyon.

Gabinete

Tanggapan	Pangalan	TERM
Pangulo	Carlos P. Garcia	17 Marso 1957 – 30 Disyembre 1961
Pangalawang Pangulo	Diosdado Macapagal	30 Disyembre 1957 – 30 Disyembre 1961
Kalihim ng Pagsasaka at Likas na Yaman	Juan Rodriguez	18 Marso 1957 – March 3, 1960
	César Fortich	3 Marso 1960 – December 30, 1961
Kalihim ng Edukasyon	Martin Aguilar, Jr.	29 Marso 1957 – 2 Setyembre 1957
	Manuel Lim	3 Setyembre 1957 – 17 Nobyembre 1957
	Daniel Salcedo	18 Nobyembre 1957 – 28 Disyembre 1959
	José Romero	18 Mayo 1960 – 30 Disyembre 1961
Kalihim ng Pananalapi	Jaime Hernández	18 Marso 1957 – 24 Enero 1960
	Dominador Aytona	24 Enero 1960 – 29 Disyembre 1961
Kalihim ng Ugnayang Panlabas	Carlos P. García (kasabay bilang Pangulo)	18 Marso 1957 – 22 Agosto 1957
	Felixberto Serrano	22 Agosto 1957 – 30 Disyembre 1961
Kalihim ng Kalusugan	Paulino J. García	18 Marso 1957 – 15 Hulyo 1958
	Elpidio Valencia	15 Hulyo 1958 – 30 Disyembre 1961
Kalihim ng Katarungan	Pedro Tuazon	18 Marso 1957 – Marso 1958
	Jesús Barrera	Abril 1958 – Hunyo 1959
	Enrique Fernández	Hunyo 1959 – Hulyo 1959
	Alejo Mabanag	18 Mayo 1959 – Disyembre 1961
Kalihim ng Paggaawa	Ángel Castano	18 Marso 1957 – 30 Disyembre 1961
Kalihim ng Tanggulang Pambansa	Eulogio Balao	17 Marso 1957 – 28 Agosto 1957
	Jesús Vargas	28 Agosto 1957 – 18 Mayo 1959
	Alejo Santos	18 Mayo 1959 – 30 Disyembre 1961
Kalihim ng Kalakalan at Industriya	Pedro Hernaez	10 Abril 1959 – January 24, 1960
	Manuel Lim	24 Enero 1960 – 30 Disyembre 1961
Kalihim ng Pagawaing Bayan at Lansangan Transportasyon at Komunikasyon	Florencio Moreno	18 Marso 1957 – 30 Disyembre 1961
Tagapamahala ng Kagalingang Panlipunan at Pagpapaunlad	Amparo Villamor	1960 – 1961
Kalihim Tagapagpaganap	Fortunato de León	18 Marso 1957 – 30 Disyembre 1957
	Juan Pajo	16 Enero 1958 – 28 Agosto 1959
	Natalio Castillo	24 Enero 1960 – 5 Setyembre 1961

Kamatayan

Libingan ni Carlos P. Garcia sa Libingan ng mga Bayani

Bukod sa kanyang mga nagawa bilang makabansang politiko, si Garcia ay kilala rin na makata sa kanyang diyalektong Boholano. Namatay siya sa atake sa puso noong 14 Hunyo 1971 sa edad na 74.

Mga sanggunian

Sinundan: Fernando Lopez	Pangalawang Pangulo ng Pilipinas 1953–1957	Susunod: Diosdado Macapagal
Sinundan: Ramon Magsaysay	Pangulo ng Pilipinas 1957–1961	Susunod: Diosdado Macapagal