Bulebar Jose W. Diokno

Bulebar Jose W. Diokno
*Jose W. Diokno Boulevard*
Bulebar Jose W. Diokno; Jose W. Diokno Boulevard
	Bulebar Jose W. Diokno patimog patungong Entertainment City.
Impormasyon sa ruta
Haba	4.4 km (2.7 mi)
Pangunahing daanan
Dulo sa hilaga	N120 / AH26 (Bulebar Roxas) at N190 (Abenida Gil Puyat) sa Pasay
	Bulebar Macapagal; Seaside Boulevard; EDSA; Coral Way; Abenida Bradco; Abenida Aseana;
Dulo sa timog	Pagcor Utility Road (AsiaWorld City) sa Parañaque
Lokasyon
Mga pangunahing lungsod	Pasay, Parañaque
Sistema ng mga daan
	Mga daanan sa Pilipinas Mga lansangan; Mga mabilisang daanan Talaan; ;

Ang Bulebar Jose W. Diokno (Ingles: Jose W. Diokno Boulevard) ay isang pangunahing daang kolektor na may habang 4.38 kilometro (2.72 milya) at dumadaan mula hilaga-patimog sa silangang gilid ng SM Mall of Asia at kalinya ng Bulebar Macapagal sa Bay City, Kalakhang Maynila, Pilipinas. Walo ang mga linya nito at hinahatian ng panggitnang harangan. Nagbibigay ito ng daan mula Sentrong Pangkultura ng Pilipinas (CCP) at Bulebar Roxas sa hilaga papunta sa sentro ng pamimili at lifestyle sa tabi ng Look ng Maynila sa Pasay. Ginagamit ng mga motorista ang daang ito bilang alternatibo sa Bulebar Macapagal. Nag-uugnay din ito patungong Entertainment City sa Parañaque sa dakong timog.

Dating tinawag na Bay Boulevard ang bulebar. Pinalitan ito ng pangalan noong 2007, kasama na ang maikling karugtong ng Abenida Gil Puyat sa may CCP na nag-uugnay nito sa Bulebar Roxas. Ang bagong pangalan nito ay mula kay dating senador Jose Wright Diokno^[1] Itinayo ng Philippine Reclamation Authority ang daan at nakumpleto ito noong 2011.^[2]

Paglalarawan ng ruta

Bulebar Jose W. Diokno sa sangandaan nito sa Coral Way.

Nagsisimula ang Bulebar Jose W. Diokno sa sangandaan nito sa Bulebar Roxas sa tabi ng World Trade Center Metro Manila bilang direktang karugtong ng Abenida Gil Puyat mula Pasay at Makati. Dadaan ito pakanluran sa pagitan ng CCP sa hilaga at Financial Center Pasay sa timog, at tatawid ito sa hilagang dulo ng Bulebar Macapagal bago kumurba patimog paglampas ng gusali ng Paseguruhan ng mga Naglilingkod sa Pamahalaan (GSIS).

Ang Tulay ng Libertad ang nagdadala ng bulebar sa ibabaw ng Bambang ng Libertad, na nag-uugnay ng mga gusali ng CCP at GSIS sa SM Central Business Park kung saan ito'y magiging daang hilaga-patimog na dumadaan sa may SM Mall of Asia. Ang bahaging ito ng bulebar ay pinangingibabaw ng isang rotonda na may malaking globo sa gitna na nagsisilbing katimugang dulo ng Abenida Epifanio de los Santos (EDSA).

Paglampas ng Tulay ng Redentorista (Redemptorist Bridge), papasok ang bulebar sa Parañaque at mga mixed-use development ng Aseana City at Entertainment City, kung saan matatapuan ang Solaire Resort & Casino at City of Dreams Manila. Dadaan ito mula Daang Redentorista hanggang AsiaWorld City, at babagtasin nito ang Abenida Aseana bago dumating ito sa katimugang dulo nito sa PAGCOR Utility Road sa tabi ng Okada Manila.

Bulebar Jose W. Diokno noong nanalasa ang Bagyong Glenda, 2014.

Tingnan din

Mga lansangan sa Kalakhang Maynila

Mga sanggunian

↑ "Republic Act No. 9468" (PDF). Senate of the Philippines. Nakuha noong 14 Agosto 2015.{{cite web}}: CS1 maint: date auto-translated (link)
↑ "Land Development". Philippine Reclamation Authority. 14 Agosto 2015. Inarkibo mula sa orihinal noong 18 Oktubre 2016. Nakuha noong 18 Disyembre 2016.{{cite web}}: CS1 maint: date auto-translated (link)

14°32′30″N 120°58′59″E / 14.54167°N 120.98306°E / 14.54167; 120.98306

[1] "Republic Act No. 9468" (PDF). Senate of the Philippines. Nakuha noong 14 Agosto 2015.{{cite web}}: CS1 maint: date auto-translated (link)

[2] "Land Development". Philippine Reclamation Authority. 14 Agosto 2015. Inarkibo mula sa orihinal noong 18 Oktubre 2016. Nakuha noong 18 Disyembre 2016.{{cite web}}: CS1 maint: date auto-translated (link)

[1]

[2]