Atimonan

Ang Atimonan ay isang ika-1 klaseng bayan sa lalawigan ng Quezon, Pilipinas. Matatagpuan ang bayan sa silangang baybayin ng lalawigan, 42 kilometro (26 milya) mula sa Lucena at 172 kilometro (107 milya) sa timog-silangan ng Maynila. Naghahanggan ang bayan sa mga munisipalidad ng Gumaca, Plaridel, Pagbilao at ng Padre Burgos. Ayon sa senso ng 2020, ito ay may populasyon na 64,260 sa may 16,701 na kabahayan.

Atimonan Bayan ng Atimonan
Bayan
Sagisag
Mapa ng Quezon na nagpapakita sa lokasyon ng Atimonan.
Atimonan Lokasyon sa Pilipinas
Mga koordinado: 14°00′13″N 121°55′11″E
Bansa	Pilipinas
Rehiyon	Calabarzon (Rehiyong IV-A)
Lalawigan	Quezon
Distrito	Pang-apat na Distrito ng Quezon
Mga barangay	42 (alamin)
Pagkatatag	4 Pebrero 1608
Pamahalaan
• Punong-bayan	Rustico Joven U. Mendoza
• Manghalalal	38,098 botante (2022)
Lawak
• Kabuuan	239.66 km2 (92.53 milya kuwadrado)
Populasyon  (Senso ng 2020)
• Kabuuan	64,260
• Kapal	270/km2 (690/milya kuwadrado)
• Kabahayan	16,701
Ekonomiya
• Kaurian ng kita	ika-1 klase ng kita ng bayan
• Antas ng kahirapan	22.69% (2021)
• Kita	(2022)
• Aset	(2022)
• Pananagutan	(2022)
• Paggasta	(2022)
Kodigong Pangsulat	4331
PSGC	045603000
Kodigong pantawag	42
Uri ng klima	Tropikal na kagubatang klima
Mga wika	wikang Tagalog
Websayt	atimonan.gov.ph

Istatwa ng sirena na pinaniniwalaang nagpakita sa bayan ng Atimonan noon

Isang makasaysayang lugar ang bayan na itinayo pa noong panahong kolonyal ng mga Kastila. Maraming mga masaysayang mga lugar sa bayan tulad ng simbahang bayan, ang daang Balagtas, at ang watchtower ng Iskong Bantay, sa daang kapangalan din ng watchtower, na pangunahing ginamit noong panahong Kastila para mapag-handaan ang mga paglusob ng mga piratang muslim.

Etimolohiya

Ayon sa isang aklat ni Jesus Olega, sinasabing may tatlong pinanggalingan ang ngalan ng bayan ng Atimonan.

1. Atimon, isang puno na hindi na nabubuhay sa kasalukuyan ngunit sinasabing tumubo sa bayan noon at maraming gamit sa mga mamamayan;
2. Ang pariralang Tagalog na atin muna, nagpapahiwatig ng isang polisiya at pagkakaisa ng damdamin ng mga residente na nagpalakas ng kanilang mga diwa sa panahong nakipaglaban sila sa mga kaaway; at
3. Simeona Mangaba, na mas kilala sa taumbayan bilang si Ate Monang, ang mas nakatatandang ate ni Francisco Mangaba, ang kauna-unahang kapitan ng bayan, at tagapagtatag ng bayan.

Ekonomiya

Nakabase ang ekonomiya ng Atimonana sa pangingisda at agrikultura. Marami rin ang nagiging marino. Bahagi ang bayan sa programang Tourism Highway ng Kagawaran ng Turismo.

Mga Barangay

Ang bayan ng Atimonan ay nahahati sa 42 barangay. Ang bawat barangay ay binubuo ng mga purok at ang ilan ay mayroong mga sityo.

Angeles Balubad Balugohin Barangay Zone 1 (Pob.) Barangay Zone 2 (Pob.) Barangay Zone 3 (Pob.) Barangay Zone 4 (Pob.) Buhangin Caridad Ibaba Caridad Ilaya Habingan Inaclagan Inalig Kilait

Kulawit Lakip Lubi Lumutan Magsaysay Malinao Ibaba Malinao Ilaya Malusak Manggalayan Bundok Manggalayan Labak Matanag Montes Balaon Montes Kallagan Ponon

Rizal San Andres Bundok San Andres Labak San Isidro San Jose Balatok San Rafael Santa Catalina Sapaan Sokol Tagbakin Talaba Tinandog Villa Ibaba Villa Ilaya

Mga Tanawin

• Quezon National Forest Park
• Bundok Mirador
• Pinagbanderahan
• Sirena ng Atimonan
• Our Lady of the Angels Parish Church and Plaza
• Look ng Lamon

Demograpiko

Senso ng populasyon ng
Atimonan

Taon	Pop.	±% p.a.
1903	11,203	—
1918	13,087	+1.04%
1939	18,512	+1.67%
1948	21,474	+1.66%
1960	32,294	+3.46%
1970	35,478	+0.94%
1975	37,483	+1.11%
1980	39,894	+1.25%
1990	46,651	+1.58%
1995	54,283	+2.88%
2000	56,716	+0.94%
2007	59,157	+0.58%
2010	61,587	+1.48%
2015	63,432	+0.56%
2020	64,260	+0.26%
Sanggunian: PSA

Atimonanin (atimonean) ang tawag sa mga naninirahan sa Atimonan. Tagalog ang pangunahing wika, at maraming lokal na ekspresyon. Kadalasang nauunawaan ng mga Manilenyo ang Atimonang Tagalog, ngunit may kakaunting pagkakaiba. Karamihan sa mga Atimonanin ay may lahing Intsik o kaya'y Kastila. Ang ibang Atimonanin naman ay nakakapagsalita ng Bicolano, Lan-nang, o kaya'y Espanyol.

Relihiyon

Pinakamalaking relihiyon ang Romano Katoliko sa Atimonan, may mga grupo o sekta din gaya ng Iglesia ni Cristo, Latter Day Saints at Born Again Christians. Ang Atimonan ay malalim na kaugat sa rural na buhay pangingisda. Ilan sa mga ibang relihiyon sa bayan ay:

• Ang Simbahan ni Jesucristo ng mga Banal sa mga Huling Araw (mas kilala bilang Mormon)
• Atimonan United Christian Ministries AUCM (Kristiyanong Born Again)
• Iglesia ni Cristo
• Simbahan ng Adbentista ng Ikapitong Araw
• Mga Saksi ni Jehova
• Iglesia Filipina Independiente (kilala bilang mga Aglipay)
• Islam
• Ang Dating Daan

Klima

Datos ng klima para sa Atimonan, Quezon
Buwan	Ene	Peb	Mar	Abr	May	Hun	Hul	Ago	Set	Okt	Nob	Dis	Taon
Katamtamang taas °S (°P)	31.6 (88.9)	32 (90)	34 (93)	34.6 (94.3)	35.6 (96.1)	36 (97)	35 (95)	35 (95)	35.3 (95.5)	35 (95)	33 (91)	32 (90)	34.09 (93.4)
Katamtamang baba °S (°P)	21 (70)	20.3 (68.5)	21.3 (70.3)	21 (70)	22.6 (72.7)	23 (73)	23 (73)	23 (73)	23 (73)	23 (73)	23.3 (73.9)	23.3 (73.9)	22.32 (72.02)
Katamtamang presipitasyon mm (pulgada)	156.6 (6.165)	169.3 (6.665)	109 (4.29)	60.9 (2.398)	198.9 (7.831)	235.4 (9.268)	262.7 (10.343)	156.2 (6.15)	234.5 (9.232)	326.8 (12.866)	346.6 (13.646)	304.3 (11.98)	2,561.2 (100.834)
Araw ng katamtamang pag-ulan	22	6	6	5	15	15	13	14	8	22	17	16	159
Sanggunian: MDRRMO Atimonan

Kawing Panlabas

• Atimonan Online
• Discover Atimonan, Quezon Naka-arkibo 2009-04-16 sa Wayback Machine.
• eXplore Quezon Naka-arkibo 2004-09-28 sa Wayback Machine.
• Philippine Standard Geographic Code Naka-arkibo 2012-04-13 sa Wayback Machine.
• 2010 Philippine Census Information Naka-arkibo 2012-06-25 sa Wayback Machine.