Ginagamit ng artikulong ito ang mga pangalan ng bagyong binigay ng PAGASA, kung may binigay man sila. Kung wala, gagamitin ang pangalang binigay ng JMA, at kung wala rin itong binigay na pangalan, gagamitin ang pangalang binigay ng JTWC. Maliban sa pangalan ng PAGASA, ang mga pangalan ng bagyo ay nakapahilis.
Ginagamit ng artikulong ito ang oras ng Pilipinas (UTC/GMT+8) maliban lamang kung isinaad mismo ang ibang sona.
Ang panahon ng bagyo sa Pasipiko ng 2023 ay ang panahon ng bagyo na taunang nagaganap sa hilagang-kanlurang bahagi ng Karagatang Pasipiko. Bagamat taunan, nagiging aktibo ito pagsapit ng buwan ng Mayo hanggang Oktubre.
Panahon ng bagyo sa Kanlurang Pasipiko 2021, 2022, 2023, 2024, 2025
Limitado ang artikulong ito sa Karagatang Pasipikong nasa itaas ng ekwador sa pagitan ng 100° silangan at ika-180 meridyan. Sa loob ng bahaging ito ng Pasipiko, may dalawang pangunahing ahensiyang nagpapangalan sa mga bagyo na nagiging dahilan para magkaroon ng dalawang pangalan ang iisang bagyo. Papangalanan ng Ahensiyang Pampanahon ng Hapon (Japan Meteorological Agency, JMA) ang isang sama ng panahon kung ito ay may 10-minutong napapanatiling bilis ng hangin na hindi bababa sa 65 kilometro kada oras (40 milya kada oras) saanman sa nasasakupang lugar, samantalang pinapangalanan naman ng Pangasiwaan ng Pilipinas sa Serbisyong Atmosperiko, Heopisiko, at Astronomiko (PAGASA) ang mga dumadaan na bagyo o nagiging depresyong tropikal (tropical depression) sa loob ng kanilang lugar ng responsibilidad sa pagitan ng 135° sa silangan hanggang 115° sa silangan at sa pagitan ng 5° hilaga hanggang 25° hilaga kahit na wala pang binibigay na pangalan ang JMA. Ang mga minamanmanan na depresyon ng Joint Typhoon Warning Center (JTWC) ng Estados Unidos ay binibigyan ng isang numero at hulaping "W."
Ginagamit ng artikulong ito ang pangalan na binigay ng PAGASA. Para naman sa mga bagyong di pinangalanan ng PAGASA, gagamitin ang pangalan nito sa buong mundo, nang ''nakapahilis''.
Taon-taon naglalabas ang iba't ibang mga ahensiyang pampanahon ng maraming bansa ng kani-kanilang mga pagtataya patungkol sa kung ilan ang mabubuong bagyo sa isang panahon, o di kaya'y ilang bagyo ang makakaapekto sa isang partikular na bansa o rehiyon. Kasama sa mga ahensiyang ito ay ang Konsorsyo sa Peligro ng Bagyo (Tropical Storm Risk Consortium) ng University College London, ang PAGASA ng Pilipinas, at ang Kawanihang Sentral ng Panahon ng Taiwan.
Unang Naglabas ang PAGASA ng kanilang pagtataya noong ika-13 ng Enero 2023 sa kanilang buwanang pagtataya sa klima ng panahon para sa unang kalahati ng 2023. Sa ulat na ito, tinatayang nasa 0-2 bagyo ang mabubuo o papasok sa Sakop na Responsibilidad ng Pilipinas sa pagitan ng mga buwan ng Enero hanggang Marso, habang 2-4 na bagyo naman ang inaasahang papasok o mabubuo sa pagitan ng Abril hanggang Hunyo. Dagdag pa nila, ang pag-hina ng La Niña ay posible pang manatili hanggang bumalik sa patas na kondisyon ng El Niño-Katimugang Pag-indayog (El Niño-Southern Oscillation, ENSO).[4] Noong ika-27 ng Hunyo naman, ay nilabas ng PAGASA ang kanilang buwanang pagtataya para sa huling kalahati ng 2023, at naka-saad dito na nasa 7-10 bagyo ang papasok o mabubo sa pagitan ng Hulyo hanggang Setyrembre habang 4-7 na bagyo naman para sa pagitan ng Oktubre hanggang Disyembre.[5]
Noong Mayo 5, inilabas ng Tropical Storm Risk (TSR) ang unang pagtataya nito para sa 2023 season na may katamtaman hanggang malakas na El Niño na inaasahang bubuo at magpapatuloy hanggang Oktubre, hinulaan ng TSR na ang tropikal na aktibidad para sa 2023 ay higit sa average na hulaan ang 29 na pinangalanan bagyo, 19 na bagyo at 13 malalakas na bagyo.[1] Nanatiling pare-pareho ang TSR sa kanilang prediksyon maliban sa bahagyang pagbaba ng matinding bagyo sa 12 sa pagtataya ng Hulyo.[2] Sa huling pagtataya ng Agosto, pinataas ng TSR ang bilang ng mga bagyo at matinding bagyo sa 20 at 14.[3]
Ginagamit sa timeline na ito ang mga pangalang binigay ng PAGASA, kung saan makikita sa loob ng mga panaklong ang pangalang internasyonal nito. Para naman sa mga bagyong may isang pangalan lamang, ginagamit ang pangalan ng PAGASA kung may binigay ito, kundi gagamitin ang pangalang internasyonal nito, una JMA bago ang JTWC.
Naging tahimik ang unang dalawang buwan ng 2023 hanggang noong ika-4 ng Marso, na may nabuong isang mahinang bagyo malapit sa ekwador sa silangan ng Singapore. Pagkatapos nitong malusaw noong Marso 7, isang buwan muling nanahimik ang Karagatang Pasipiko hanggang sa mabuo ang isang depresyon sa silangan ng Rehiyon ng Bikol noong ika-10 ng Abril. Sumunod ay naging ganap na bagyo ito ayon sa PAGASA at pinangalang Amang. Noong ika-12 ng Abril ng hapon, tumama ito sa bayan ng Presentacion, Camarines Sur at nalusaw habang patungo sa probinsya ng Quezon. Sumunod, ay isang bagyo ang nabuo sa Karagatang Pasipiko na pinangalang Sanvu ng JMA, ngunit nalusaw din ito ng Abril 22. Sa pagpasok ng Mayo, dalawang depresyon ang nabuo, ang isa ay nagbigay-pinsala sa Pilipinas habang ang isa ay lumakas at pinangalang Mawar. Ito ay mabilisang lumakas at naging isang super bagyo na kung saan ay nagdulot ng pinsala sa isla ng Guam. Pumasok ito sa lugar ng responsibilidad ng PAGASA at pinangalang Betty bago nagtungo ito sa Hapon at naging ekstra-tropikal. Sa buwan ng Hunyo naman, isang bagyo ang pinangalang Guchol (Chedeng ng PAGASA) na nanatiling malayo sa kalupaan, ngunit pinalakas nito ang monsoon (Habagat) na nakakaapekto sa Pilipinas. Kasabay nito, isang depresyon ang nabuo at nagdulot ng malawakang pag-ulan at pag-baha sa Timog Tsina at Vietnam bago nalusaw.
Isang low-pressure-area ang namuo bilang isang depresyon sa Dagat ng Pilipinas noong Abril 10. Dahil namuo ito sa loob ng PAR, pinangalanan ng PAGASA ang bagyo bilang Amang. Tinahak nito ang direksyong hilagang-kanluran at tumama sa bayan ng Presentacion, Camarines Sur ng 2:10 p.m. (06:10 UTC) ng Abril 12. Pagkatapos, agad itong humina at naging LPA noong Abril 13 sa silangang ng probinsya ng Quezon.[6]
Ang naging pinsala sa agrikultura ay tinatayang nasa ₱50.84 milyon, apektado ang 1,569 magsasaka at 1,330 hektarya ng lupa.[7] 1,918 pasehero ang napadpad sa Rehiyon ng Bikol dahil sa pag-suspinde ng byahe sa karagatan.[8] Noong Abril 13, ang mga klase hanggang sa senior high school sa 19 na lugar ang naantala dahil sa masamang panahon, kasama na ang klase sa pre-elementary sa mga lugar na may Signal No. 1.[9]
Ayon sa JMA, may nabuo na mahinang bagyo sa silangan ng Singapore, malapit sa ekwador ng mundo noong Marso 4. Nalusaw ito noong Marso 7. Nagdulot ito ng malwakang pagbaha sa Malaysia na kung saan ay naapektuhan ang 50,000 katao sa bansa at napatay ang 4 na tao.
Noong unang araw ng Mayo, may nabuong low-pressure area (LPA) sa silangan ng Davao City. Noong Mayo 5, naging mahinang bagyo ito ayon sa JMA, ngunit nanatiling LPA lamang ito ayon sa PAGASA. Nalusaw ito noong Mayo 7.
Noong Hunyo 7, may binantayang LPA ang JMA sa timog ng Hainan na kung saan, maya-maya ay lumakas bilang isang mahinang bagyo. Ngunit, sa sumunod na araw ay tumama ito sa Timog China. Sa mga sumunod na araw, nanatili ito malapit sa lugar bago bumalik sa Golpo ng Tonkin hanggang malusaw na ito noong Hunyo 11. Nagdulot ng tuloy-tuloy na pag-ulan ang bagyo na naging sanhi ng pag-apaw ng Baisha River kung saan binaha ang mga kabahayan sa Hepu County. Dahil sa baha, kinailangan ng mga awtoridad na gumamit ng mga rescue boats para mailigtas ang mga nakulong sa kani-kanilang mga bahay. Kinailangang i-evacuate ang 2,603 katao dahil sa naging pinsala ng bagyo.
Noong Agosto 3, isang mahinang bagyo ang nabuo sa kanluran ng Hainan ngunit humina din ito sa sumunod na araw.
Noong Agosto 19, isang mahinang bagyo ang namuo sa timog-silangan ng Japan. Nalusaw ito noong Agosto 21.
Noong Setyembre 3, isang mahinang bagyo ang nabuo pero nalusaw din ito kinabukasan.
May nabuo ulit na isang mahinang bagyo noong Setyembre 4 na nagmula sa buntot ng Bagyong Kirogi. Huling binantayan ito ng JMA noong 2 p.m. (06:00 UTC) ng Setyembre 6.
May nabuo na isang mahinang bagyo malapit sa Kapuluan ng Ryukyu noong Setyembre 10. Unti-unti itong kumilos pa-timog bago ito kumilos pa hilagang-kanluran patungong Taiwan bago ito nalusaw noong Setyembre 14. Bagama't ito ay nasa loob ng Sakop ng Responsibilidad ng Pilipinas, hindi ito itinuring na bagyo ng PAGASA.
May binantayang isang mahinang bagyo ang JMA sa hilagang-silangan ng Kapuluang Mariana noong Setyembre 12 ngunit agad din itong humina.
Gagamitin ng PAGASA ang mga pangalang huling ginamit noong panahon ng 2019, kung saan 21 ang pumasok sa Sakop na Responsibilidad nito. Ang mga pangalang Tamaraw at Ugong ay inaasahang gagamitin sa kauna-unahang pagkakataon sa taon'g 2027, matapos nitong palitan ang mga Tisoy at Ursula, na nakapagtala ng malaking pinsala at pagkawala ng buhay sa Luzon at Bisayas.
↑ 1.01.11.2Lea, Adam; Wood, Nick (May 5, 2023). Extended Range Forecast for Northwest Pacific Typhoon Activity in 2023 [Pagtatayang Pinalawig ang Sakop para sa aktibidad ng mga bagyo sa Hilagang-kanlurang Pasipiko ng 2023] (PDF) (Ulat) (sa Ingles). Tropical Storm Risk Consortium. Inarkiba (PDF) mula sa orihinal noong Mayo 6, 2023. Nakuha noong Disyembre 23, 2023
↑ 2.02.1Lea, Adam; Wood, Nick (July 7, 2023). Extended Range Forecast for Northwest Pacific Typhoon Activity in 2023 [Pagtatayang Pinalawig ang Sakop para sa aktibidad ng mga bagyo sa Hilagang-kanlurang Pasipiko ng 2023] (PDF) (Ulat) (sa Ingles). Tropical Storm Risk Consortium. Inarkiba (PDF) mula sa orihinal noong Hulyo 18, 2023. Nakuha noong Disyembre 23, 2023.
↑ 3.03.1Lea, Adam; Wood, Nick (August 8, 2023). Extended Range Forecast for Northwest Pacific Typhoon Activity in 2023 [Pagtatayang Pinalawig ang Sakop para sa aktibidad ng mga bagyo sa Hilagang-kanlurang Pasipiko ng 2023] (PDF) (Ulat) (sa Ingles). Tropical Storm Risk Consortium. Inarkiba (PDF) mula sa orihinal noong Agosto 14, 2023. Nakuha noong Disyembre 23, 2023.
↑ 4.04.14.2Seasonal Climate Outlook January - June 2023 [Panahong Pagtataya sa Klima Enero-Hunyo 2023] (PDF) (Ulat) (sa Ingles). Philippine Atmospheric Geophysical and Astronomical Services Administration. January 13, 2023. Inarkibo(PDF) mula sa orihinal noong May 6, 2023. Nakuha noong December 23, 2023.
↑ 5.05.15.2161th Climate Forum July–December 2023 [Ika-161 Porum sa Klima Hulyo-Disyembre 2023] (PDF) (Seasonal Climate Outlook) (sa Ingles). Philippine Atmospheric Geophysical and Astronomical Services Administration. June 29, 2023. Inarkibo(PDF) mula sa orihinal noong July 25, 2023. Nakuha noong December 23, 2023.
↑Lagare, Jordeene B. (April 16, 2023). "Amang damage to agriculture reaches P50 million" [Pinsala ni Amang sa agrikultura, umabot sa P50 milyon]. inquirer.net (sa Ingles). Inarkibo mula sa orihinal noong May 30, 2023. Nakuha noong April 17, 2023.
